బాలీవుడ్‌ నటుడు హృతిక్ రోషన్‌ , టాలీవుడ్‌ యంగ్ టైగర్ ఎన్టీఆర్ కాంబో లో తెర మీదకు వస్తున్న చిత్రం వార్ 2. ఈ సినిమాకి అయాన్ ముఖర్జీ తెరకెక్కిస్తున్నాడు. వార్ సినిమా సిద్దార్థ్‌ దర్శకత్వం వహించగా… ఈ చిత్రానికి అయాన్ ముఖర్జీ దర్శకత్వం వహిస్తున్నాడు. వార్ సూపర్‌ హిట్ కావడంతో వార్ 2 పై కూడా భారీ అంచనాలు నెలకొన్నాయి.
ఇదిలా ఉంటే ఈ చిత్రంలో యంగ్ టైగర్ ఎన్టీఆర్ ఉండడంతో తెలుగు ప్రేక్షకులు కూడా వార్ 2 కోసం చాలా ఎదురు చూస్తున్నారు. ఈ సినిమా షూటింగ్ చాలా వేగంగా జరుగుతోంది. ఈ క్రమంలోనే సినిమా నుంచి ఓ ఆసక్తికరమైన విషయం బయటకు వచ్చింది. అది కూడా యంగ్ టైగర్ గురించి.
ఈ సినిమా లో ఎన్టీఆర్ కు సంబంధించిన షూటింగ్ ను కేవలం 60 రోజుల్లోనే పూర్తి చేయనున్నట్లు చిత్ర బృందం ప్రకటించింది. 30 రోజుల్లో ఎన్టీఆర్ సింగిల్‌ సీన్లు, మరో 30 రోజుల్లో హృతిక్, తారక్‌ కాంబో సీన్లను తీయనున్నట్లు సమాచారం. ఏప్రిల్‌ 24 నుంచి ఎన్టీఆర్ ఈ చిత్ర షూటింగ్ లో పాల్గొనబోతున్నడని చిత్ర బృందం వెల్లడించింది.
భారీ బడ్జెట్‌ తో ఈ సినిమాని రూపొందిస్తున్నప్పటికీ సినిమాని మాత్రం చాలా తక్కువ రోజుల్లోనే పూర్తవనున్నట్లు టాక్. సినిమా షూటింగ్ ని జులై కల్లా పూర్తి చేసేందుకు చిత్ర బృందం సన్నాహాలు చేస్తుంది. ఆ తరువాత 8 నెలల సమయం కూడా సినిమా పోస్ట్‌ ప్రొడక్షన్‌ వర్కులు, విజువల్‌ ఎఫెక్ట్స్‌ కోసం కేటాయిస్తారని సమాచారం.
తారక్‌ ప్రస్తుతం దేవర సినిమా షూటింగ్ లో బిజీగా ఉన్నాడు.
