దీపికా నువ్వు కూడానా… నిజమేనా!
బాలీవుడ్‌ స్టార్‌ కపుల్‌ దీపికా పదుకొణె, రణ్‌వీర్‌ సింగ్‌ కొద్ది రోజుల క్రితమే తాము తల్లిదండ్రులం కాబోతున్నామంటూ సోషల్‌ మీడియా వేదికగా ప్రకటించారు. ఈ విషయం గురించి తెలుసుకున్న అభిమానులంతా బుల్లి దీపికా కోసం తెగ వెయిట్‌ చేస్తున్నారు. అయితే దీపికా ప్రెగ్నేసీ గురించి ప్రకటించిన తరువాత నుంచి అందరి చూపు ఆమె మీదే ఉంది.
ఫిబ్రవరి 18న లండన్‌ లో జరిగిన బాఫ్టా అవార్డుల కార్యక్రమంలో వన్ ఆఫ్‌ ది యాంకర్‌ గా ఆమె కూడా వ్యవహరించారు. ఆ వేడుకలో దీపికా బంగారు, వెండి రంగుల కలయికలో ఉన్న చీరను ధరించి ఎంత సేపు తన పొట్టను దాచుకోవడానికీ ప్రయత్నించింది. దీంతో అందరూ ఆమె గర్భవతిగా ఉందని అందుకే బేబీ బంప్‌ ను దాచుకోవడానికి ప్రయత్నిస్తుందని భావించారు.
అయితే తాజాగా దీపికా ఎయిర్‌ పోర్ట్‌ లో కనిపించింది. కానీ దీపికా ని చూసిన వారు ఎవరూ కూడా ఆమె ప్రెగ్నెంట్‌ అంటే నమ్మరు. ఎందుకంటే దీపికా బేబీ బంప్‌ ఏ మాత్రం కనిపించడం లేదు. దీంతో బాలీవుడ్‌ లో మరోసారి గుసగుసలు వినిపిస్తున్నాయి. దీపికా రణ్‌వీర్‌ కూడా సరోగసీ పద్దతి ద్వారా పిల్లల్ని కనాలనుకుంటున్నట్లు అనుకుంటున్నారు.
ఇప్పటికే బాలీవుడ్‌ హీరోయిన్‌ ప్రియాంక చోప్రా, సౌత్‌ స్టార్‌ నయన తార వంటి వారు సరోగసి ద్వారానే బిడ్డల్ని పొందారు. వారి బాటలోనే దీపికా కూడా వెళ్తుందనే గుసగుసలు వినిపిస్తున్నాయి. మరి ఈ విషయం గురించి దీపికా ఎలా స్పందిస్తుందో వేచి చూడాలి.
