ఇది చాలా చాలా స్పెషల్ అంటూ పోస్ట్‌ చేసిన ఆనంద్ దేవరకొండ!
తెలుగు చిత్ర పరిశ్రమలో ప్రతిష్టాత్మకంగా భావించే అవార్డుల్లో గామా తెలుగు మూవీ అవార్డ్స్ ఒకటి. ఈ ఏడాది వేడుకలు దుబాయిలో ఎంతో అట్టహాసంగా జరిగాయి. గత మూడు సంవత్సరాలలో విడుదలైన చిత్రాలకు సంబంధించి తెలుగు నటీనటులకు బెస్ట్ యాక్టర్, బెస్ట్ సినిమా, బెస్ట్ డైరెక్టర్, బెస్ట్ మ్యూజిక్‌ డైరెక్టర్, బెస్ట్ సింగర్ వంటి వాటితో కలిపి మొత్తంగా 43 విభాగాల్లో గామా అవార్డ్స్ ను విజేతలకు అందజేశారు.
ఈ వేడుకల్లో తెలుగు చిత్ర పరిశ్రమ నుంచి ఎందరో యువనటులు నటీమణులు గామా వేదిక మీద సందడి చేశారు. ఈ వేడుకల్లో డింపుల్‌ హయాతి, దక్షా నగార్కర్‌ వంటి వారు స్టేజీ మీద అదరగొట్టారు. ఈ గామా వేడుకల్లో యువ నటుడు ఆనంద్ దేవరకొండ బేబీ సినిమాలోని పెరాఫ్మెన్స్కు గానూ ఉత్తమ నటుడిగా గామా అవార్డు అందుకున్నాడు.
ఈ విషయం గురించి తెలియజేస్తూ ఆనంద్ సోషల్‌ మీడియా వేదికగా తన సంతోషాన్ని అభిమానులతో పంచుకున్నారు. తాను నటించిన సినిమాను ప్రేక్షకులు ఆదరించడమే గొప్ప విషయామని ఆనంద్ రాసుకొచ్చాడు. కానీ ఇలాంటి అవార్డులు అందుకోవడం, గుర్తింపు రావడం ఎప్పుడూ ప్రత్యేకంగా ఉంటాయని వివరించాడు.
ఇక ముందు కూడా మంచి పాత్రలు, గొప్ప సినిమాలు కూడా రానున్నట్లు ఆనంద్ వివరించాడు. బేబీ సినిమా విషయంలో నా మీద నమ్మకం పెట్టుకున్న డైరెక్టర్ సాయి రాజేష్‌, ప్రొడ్యూసర్ ఎస్కేన్‌ కు కృతజ్ఙతులు తెలిపాడు.
