ఇటీవల కాలంలో రష్మిక ఖాతాలో బిగ్గెస్ట్‌ హిట్‌ అంటే యానిమల్‌ సినిమానే. ఆ సినిమాలో రష్మిక గీతాంజలి పాత్రలో జీవించేసిందనే చెప్పవచ్చు. అయితే తాజాగా ఆ సినిమా గురించి రష్మిక ట్రోలింగ్‌ ని ఎదుర్కొంటుంది. ఆ సినిమాలో కర్వాచౌత్‌ పండుగ సన్నివేశం ఒకటి ఉంది. అక్కడ రష్మిక సరిగా డైలాగులు చెప్పలేదంటూ ఆమె పై విమర్శలు మొదలైయ్యాయి.
దీంతో రష్మిక డైలాగ్‌ డెలివరీ గురించి కొన్ని ట్రోల్స్ కూడా వచ్చాయి. తాజాగా రష్మిక దీని గురించి స్సందించింది. 9 నిమిషాల సన్నివేశంలో ఓ 10 సెకన్ల డైలాగ్‌ బాలేదని విమర్శిస్తున్నారు… ఎలాంటి సీన్‌ కి ఎలా నటించాలో నాకు బాగా తెలుసు అంటూ ఆమె ట్రోలర్స్ కి గట్టి కౌంటర్‌ ఇచ్చింది.
‘యానిమల్‌ మూవీ లో కొన్ని సీన్స్ లో నా ఫేస్‌, యాక్షన్‌ , డైలాగ్‌ డెలివరీ బాగాలేదని ట్రోల్ చేస్తున్నారు. కర్వాచౌత్‌ సీన్‌ గురించి మరీ ఎక్కువగా ట్రోల్ చేస్తున్నారు. ఆ సన్నివేశం సినిమాకే స్పెషల్‌. ఒక్క సీన్‌లోనే ఎన్నో హావభావాల్ని పలికించాల్సి వచ్చింది. అందుకోసం నేనెంత కష్టపడ్డానో నాకు మాత్రమే బాగా తెలుసు. చూసేవారికి, విమర్శించే వారికి ఇదేమీ తెలియదు. ఆ సన్నివేశంలో నా నటన చూసి సెట్లో మంచి అభినందనలు వచ్చాయి.
9 నిమిషాల సీన్‌లో 10 సెకన్ల డైలాగ్‌ బాగాలేదని నన్నువిమర్శిస్తున్నారు. ఎలాంటి సీన్స్ కి ఏ విధంగా నటించాలో నాకు తెలుసు. అందరికీ అన్నీ నచ్చాలన్న రూల్‌ లేదుగా’ అని రష్మిక చెప్పుకొచ్చింది.
