సౌత్ స్టార్ డైరెక్టర్ లోకేష్ కనగరాజ్ వరుస పెట్టి క్రేజీ సినిమాలు చేస్తున్నాడు. మాస్ యాక్షన్ సినిమాలు చేస్తూ ప్రేక్షకులను అలరిస్తున్నాడు లోకేష్. ఈ యువ దర్శకుడు తీసిన సినిమాలకి సెపరేట్ ఫ్యాన్ బేస్ ఉన్న సంగతి తెలిసిందే. లోకేష్ సినిమాటిక్ యూనివర్స్ పేరుతో సినిమాలు చేస్తున్నాడు. ఒక సినిమా కథకి మరో సినిమా కథకి లింక్ లు పెట్టి సినిమాలు చేస్తున్నాడు ఈ యంగ్ దర్శకుడు. దళపతి విజయ్ నటించిన కత్తి, మాస్టర్‌, లియో సినిమాలు ప్రేక్షకులను విశేషంగా ఆకట్టుకున్న సంగతి తెలిసిందే.
లియో సినిమా తర్వాత దర్శకుడు లోకేష్ కనగరాజ్ తలపతి విజయ్ తో గోట్ అనే సినిమాని నిర్మించాడు. ఇప్పుడు రజనీకాంత్ తో కూలీ సినిమా చేస్తున్నాడు. ఈ సినిమా షూటింగ్ శరవేగంగా జరుగుతున్నప్పటికీ ఇప్పటికే విడుదలైన ఈ సినిమా పోస్టర్, టైటిల్ టీజర్ అభిమానులను ఆకట్టుకోవడంతో పాటు సినిమాపై అంచనాలు భారీగానే క్రియేట్ అయ్యాయి. లోకేష్ కనగరాజ్ తెరకెక్కించిన సినిమాలు అంటే మాస్ ఆడియెన్స్ కు పెద్ద పండుగే.
అయితే లోకేష్ నుంచి ప్రస్తుతం కూలీ, విక్రమ్ 2, రోలెక్స్, ఖైదీ 2, లియో 2 ఇలా తన సినిమాటిక్ యూనివర్స్ లో ఉన్నవి లేనివి కూడా ఇంట్రెస్టింగ్ సినిమాలు లోకేషల్‌ చేతిలో ఉన్నాయి. అయితే ఈ లైనప్ లో మరో ఇంట్రెస్టింగ్ కలయిక కూడా ఉన్నట్లు సమాచారం. మరి అది కూడా యంగ్ హీరో శివ కార్తికేయన్ తో అని సమాచారం. తన దగ్గర ఆల్రెడీ శివ కార్తికేయన్ కోసం ఓ మంచి స్క్రిప్ట్ సిద్ధం గానే ఉందని తమ కాంబో లో సినిమా ఎప్పుడైనా మొదలు కావచ్చని తెలుస్తుంది.
దీంతో లోకేష్ కనగరాజ్ నుంచి భవిష్యత్తులో కొన్నేళ్ల వరకు నాన్ స్టాప్ సినిమాలు రానున్నాయని చెప్పాలి.
