గ్లోబల్ స్టార్ రామ్ చరణ్ హీరోగా, బాలీవుడ్‌ భామ కియార అద్వానీ హీరోయిన్ గా మార్వెలెస్‌ దర్శకుడు శంకర్ తెరకెక్కిస్తున్న మోస్ట్‌ అవైటెడ్ సినిమా “గేమ్ ఛేంజర్”. గత కొంత కాలంగా ఈ సినిమాపై మంచి అంచనాలు నెలకొన్నాయి. కానీ సినిమా బాగా ఆలస్యం అవుతూ వచ్చింది. అయితే ఎట్టకేలకు మళ్లీ అప్డేట్ లతో మేకర్స్ హైప్ ని పెంచేస్తున్నారు.
ఇక సాంగ్స్ కూడా ఆల్రెడీ రెండు అభిమానుల ముందుకు వచ్చాయి. అయితే శంకర్ అంటేనే పాటల కి ఒక స్పెషల్ బ్రాండ్ ఉన్న సంగతి తెలిసిందే. సాలిడ్ బీట్స్ అయినా భారీ విజువల్స్ తో కూడిన మెలోడీస్ అయినా శంకర్ సినిమాల్లో చాలా ప్రత్యేకంగా ఉంటాయనే సంగతి తెలిసిందే. అయితే గేమ్ ఛేంజర్ విషయంలో ఎక్కడో చిన్న అసంతృప్తి మాత్రం అభిమానుల్లో ఉంది.
మరి దీన్ని ఫైనల్ గా లేటెస్ట్ మెలోడీ నానా హైరానా సాంగ్ తీర్చేలా ఉందని తెలుస్తుంది. జస్ట్ ప్రోమోలో సాంగ్ వింటేనే అందరికీ వింటేజ్ శంకర్ మార్క్ మెలోడీస్ లో తన టేస్ట్ గుర్తుకు వస్తున్నాయి. దీంతో డెఫినెట్ గా ఈ సాంగ్ మాత్రం శంకర్ మార్క్ ట్రీట్ ఇస్తుంది అని అంతా అనుకుంటున్నారు. మరి ఈ ఫుల్ సాంగ్ ఎలా ఉంటుందో తెలియాలి అంటే రేపటి వరకు ఆగాల్సిందే.
