టాలీవుడ్‌ సూపర్‌ స్టార్‌ మహేష్ బాబు, దర్శకు దీరుడు రాజమౌళి ఇద్దరి కాంబోలో ఓ సినిమా తెరకెక్కిస్తున్న విషయం తెలిసిందే. ఈ సినిమాకి ప్రస్తుతం వర్కింగ్‌ టైటిల్ గా ఎస్‌ఎస్‌ఎంబీ 29 అని పెట్టారు. సంక్రాంతికి మహేష్ గుంటూరు కారంతో అలరించిన విషయం తెలిసిందే. ప్రస్తుతం మహేష్ అభిమానులంతా ఎంతో ఆతృతగా ఎదురు చూస్తున్నారు.
రాజమౌళి సినిమా అంటే యాక్షన్ కి ఏ మాత్రం లోటు ఉండదని ప్రేక్షకుల అభిప్రాయం. అలాగే తనకు కావాల్సిన ఎమోషన్స్‌ ను పండించడంలో రాజమౌళి దిట్ట అని చెప్పవచ్చు. ప్రేక్షకులను ఆకట్టుకోవడంలో రాజమౌళి వ్యూహం ఎప్పుడు మిస్ కాలేదు. నిజానికి ఆ నటుడు నుంచి ప్రేక్షకుడు ఏమి కోరుకుంటాడో రాజమౌళి ముందుగానే ఊహిస్తాడు.
ఆ ఊహకు తగ్గట్టుగానే యాక్షన్ ప్లాన్ చేసి రచిస్తాడు. ఆయన మొదటి సినిమా స్టూడెంట్‌ నంబర్‌ 1′ నుంచి మొన్నటి ‘ఆర్‌ఆర్‌ఆర్‌’ వరకు ఆయన సినిమాలన్నీ అలా ఆయన నుంచి వచ్చినవే. ఈ క్రమంలోనే మహేశ్‌ సినిమా కూడా ఎమోషనల్ గా సాగుతుందని సమాచారం. దక్షిణాఫ్రికా రచయిత విల్బర్‌ స్మిత్‌ రాసిన ఓ నవల ఆధారంగానే ఈ మూవీ కథను రాయడం జరిగిందని రాజమౌళి తండ్రి విజయేంద్రప్రసాద్‌ ఇటీవల ఓ ఇంటర్వ్యూలో చెప్పిన సంగతి తెలిసిందే.
తాజాగా ఈ సినిమాలో మహేశ్‌ పాత్ర విషయంలో ఆసక్తికరమైన వార్త ఒకటి వైరల్ అవుతుంది. హనుమంతుడిని ప్రేరణగా తీసుకొని రాజమౌళి మహేష్ పాత్రను డిజైన్‌ చేశారని సమాచారం. అలాగే ఈ సినిమాలో మహేశ్‌ లుక్‌ని కూడా ఎంతో డిఫరెంట్‌గా ప్లాన్ చేస్తున్నట్లు సమాచారం…
