ఆ మూవీ స్ట్రాటెజీ ఫాలో కానున్న కొరటాల..? టాలీవుడ్ డైరెక్టర్ కొరటాల శివ తీర్చిదిద్దుతున్న తాజా సినిమా ‘దేవర పార్ట్ 1’ బాక్సాఫీస్ దగ్గర బ్లాక్‌బస్టర్ హిట్‌గా నిలిచిన సంగతి తెలిసిందే. ఈ సినిమాలో మ్యాన్ ఆఫ్ మాసెస్ ఎన్టీఆర్ సాలిడ్ పర్ఫార్మెన్స్‌తో ప్రేక్షకులను ఆకట్టుకున్నాడు.
ఇక ఇప్పుడు ఈ సినిమాకు సీక్వెల్‌ను కూడా ప్లాన్ చేస్తున్నాడు డైరెక్టర్ కొరటాల. ఇప్పటికే ఈ సినిమా స్క్రిప్ట్ పనుల్లో బిజీగా ఉన్నారు కొరటాల. అయితే, ఓటీటీలో దేవర చిత్రానికి కొంతమేర నెగెటివ్ ఫీడ్‌బ్యాక్ రావడంతో, స్క్రిప్టులో మార్పులు చేస్తున్నారు కొరటాల. దీని కోసం ఆయన ‘పుష్ప 2’ స్ట్రాటెజీ ని ఫాలో అవుతున్నట్లు తెలుస్తోంది.
‘పుష్ప 2’ మూవీలో నార్త్ ఆడియెన్స్‌ను అమితంగా ఆకట్టుకున్న జాతర ఎపిసోడ్ వంటి మాస్ సీక్వెన్స్‌ను దేవర పార్ట్ 2 లోనూ పెట్టాలని కొరటాల అనుకుంటున్నాడంట. దీంతో ఈ సినిమాను నార్త్ ఆడియెన్స్‌కు మరింత చేరువ అవుతుందని ఆయన ఆశిస్తున్నారు. ఇక దేవర చిత్రంలో అందాల భామ జాన్వీ కపూర్ హీరోయిన్‌గా నటించగా సైఫ్ అలీ ఖాన్ విలన్ పాత్రలో నటించారు.
