యంగ్‌ టైగర్‌ ఎన్టీఆర్ హీరోగా, బాలీవుడ్‌ ముద్దుగుమ్మ జాన్వీ కపూర్ హీరోయిన్ గా దర్శకుడు కొరటాల శివ తెరకెక్కించిన భారీ పాన్ ఇండియా మూవీ “దేవర” గురించి అందరికీ తెలిసిందే. మొత్తం రెండు భాగాలుగా ప్లాన్ చేసిన ఈ సినిమాలో మొదటి భాగం ఈ సెప్టెంబర్ 27న గ్రాండ్ గా విడుదల కాబోతుంది.
అయితే ఈ సినిమా నుంచి మోస్ట్‌ అవైటెడ్ ట్రైలర్ కట్ ని మూవీ మేకర్స్ విడుదల చేయగా ఈ ట్రైలర్ లో చాలానే ఎలిమెంట్స్ ఆడియెన్స్ ని ఆకట్టుకున్నాయి. అయితే ఈ ట్రైలర్ తో తారక్ రెండు రోల్స్ లో కనిపించనుండడం అనేది ప్రస్తుతం అందరికీ తెలిసిన విషయమే. కానీ ఈ ఇద్దరూ కాకుండా మూడోవాడు ఉన్నాడని పలు ఎగ్జైటింగ్ వార్తలు ఎప్పటి నుంచో వినిపిస్తున్నాయి.
ట్రైలర్ లో ఒక షాట్ స్పెషల్ గా వైరల్ అవుతుంది. దీంతో దేవరలో ఇంకో కీలక పాత్ర ఉంటుంది అని అది కూడా ఎన్టీఆర్ చేసిందే అంటూ ఓ టాక్ వినిపిస్తుంది. మరి ఇందులో ఎంత వరకు నిజముందో వేచి చూడాల్సిందే.
