నటుడు ప్రియదర్శి ప్రధాన పాత్రలో నటిస్తున్న తాజా సినిమా ‘సారంగపాణి జాతకం’ ఇప్పటికే షూటింగ్ పనులు ముగించుకుని విడుదలకు రెడీ అవుతుంది. ఈ సినిమాను దర్శకుడు మోహనకృష్ణ ఇంద్రగంటి డైరెక్ట్ చేస్తుండటంతో ఈ సినిమాపై ప్రేక్షకుల్లో మంచి బజ్ క్రియేట్ అయ్యింది. ఇక ఈ సినిమాకు సంబంధించిన ప్రమోషనల్ కంటెంట్ కూడా ప్రేక్షకులను కట్టిపడేసే విధంగా ఉండటంతో ఈ సినిమాపై పాజిటివ్ వైబ్స్ క్రియేట్ అయ్యాయి.
తాజాగా ఈ సినిమా టీజర్‌కు సంబంధించి ఓ అప్డేట్ ఇచ్చేందుకు సినిమా బృందం రెడీ అవుతోంది. ఈ చిత్ర టీజర్ ప్రకటనను త్వరలోనే చేస్తున్నట్లు మూవీ మేకర్స్ తెలిపారు. ‘‘తిథి – పంచమి.. నక్షత్రం – పుష్యమి’’ అంటూ ఈ మేరకు ఓ క్లూ కూడా ఇచ్చారు. దీంతో ఈ టీజర్ ప్రకటన ఎప్పుడా అని తెలుగు క్యాలెండర్ చూస్తున్నారు ప్రేక్షకులు. ఇక ఈ సినిమాలో రూపా కొడువయుర్ హీరోయిన్‌గా చేస్తుంది.
ఔట్ అండ్ ఔట్ కామెడీ ఎంటర్‌టైనర్‌గా ఈ సినిమాను ప్రేక్షకులు మెచ్చే విధంగా తీసుకుని వస్తున్నట్లు చిత్ర బృందం తెలిపింది. ఈ సినిమాకు వివేక్ సాగర్ సంగీతం అందిస్తుండగా శ్రీదేవి మూవీస్ బ్యానర్‌పై శివలెంక కృష్ణప్రసాద్ ఈ మూవీని ప్రొడ్యూస్ చేస్తున్నారు. డిసెంబర్ 20న ఈ చిత్రాన్ని గ్రాండ్ రిలీజ్‌కు రెడీ చేస్తున్నారు.
