టాలీవుడ్ స్టార్ హీరో విక్టరీ వెంకటేష్ చాలా సెలెక్టివ్‌గా సినిమాలు చేస్తూ బాక్సాఫీస్ దగ్గర విజయాలను సొంతం చేసుకుంటున్నారు. ఆయన నటిస్తున్న తాజా సినిమా ‘సంక్రాంతికి వస్తున్నాం’ ఇప్పటికే షూటింగ్ పనులు ముగించుకుని విడుదలకు సిద్దమవుతుంది.ఈ సినిమాను దర్శకుడు అనిల్ రావిపూడి డైరెక్ట్ చేస్తున్నాడు. ఇక ఈ సినిమా ప్రమోషన్స్‌లో భాగంగా నందమూరి బాలకృష్ణ హోస్ట్ చేస్తున్న ‘అన్‌స్టాపబుల్ 4’ టాక్ షోలో ‘సంక్రాంతికి వస్తున్నాం’ చిత్ర యూనిట్ పాల్గొని అల్లరి చేసింది.
ఈ ఎపిసోడ్‌కు సంబంధించిన ప్రోమోలు ప్రేక్షకుల్లో మరింత ఆసక్తిని క్రియేట్ చేశాయి. సాధారణంగా తన కుటుంబ విషయాలు బయటపెట్టని వెంకటేష్ ఈసారి అందుకు భిన్నంగా తన వ్యక్తిగత విషయాలను ప్రేక్షకులతో పంచుకున్నాడు. ‘వెంకీ వారసుడి అర్జున్ సినీ ఎంట్రీ ఎప్పుడు?’ అని బాలయ్య అడిగిన ప్రశ్నకు వెంకీ చాలా క్యాజువల్‌ గా రిప్లై ఇచ్చాడు.
తన కుమారుడు అర్జున్ ప్రస్తుతం అమెరికాలో చదువుకుంటున్నాడని.. అతనికి సినిమాలంటే అంటే ప్యాషన్ ఉందని.. సరైన సమయానికి తన నిర్ణయాన్ని వెల్లడిస్తానని వెంకటేష్ తన వారసుడు ఎంట్రీ గురించి చెప్పారు. ఇక ఈ ఎపిసోడ్‌లో ఆయన సోదరుడు దగ్గుబాటి సురేష్ బాబు కూడా ఉన్నారు.
