భారతీయ సినీ ప్రపంచంలో ఎన్నో సస్పెన్స్ థ్రిల్లర్ సినిమాలు వచ్చాయి. వాటిలో ప్రేక్షకుల మదిలో ప్రత్యేక స్థానం సంపాదించిన చిత్రం “దృశ్యం”. మలయాళ స్టార్ మోహన్ లాల్ ప్రధాన పాత్రలో, జీతూ జోసెఫ్ దర్శకత్వంలో తెరకెక్కిన ఈ సినిమా క్రైమ్, సస్పెన్స్, ఎమోషన్ మిక్స్ అయిన అద్భుతమైన కథతో ప్రేక్షకులను ఎంతగానో ఆకట్టుకుంది. ఈ చిత్రం అంతటి విజయం సాధించడంతో దేశవ్యాప్తంగా మాత్రమే కాకుండా విదేశాల్లో కూడా విశేష ఆదరణ పొందింది.
ఈ సినిమా తర్వాత దృశ్యం కథ వివిధ భాషల్లో రీమేక్ అయ్యింది. తెలుగులో వెంకటేష్ నటించగా, హిందీలో అజయ్ దేవగన్ హీరోగా నటించారు. రెండు వెర్షన్‌లూ మంచి విజయాన్ని సాధించడంతో మూడో భాగంపై ప్రేక్షకుల్లో పెద్ద ఆసక్తి నెలకొంది. కానీ ఒరిజినల్ మలయాళ పార్ట్ పూర్తవకముందే హిందీ టీమ్ స్వతంత్రంగా మూడో పార్ట్‌ను ప్రకటించడంతో చిన్న వివాదం చెలరేగింది. దాంతో అసలు మేకర్స్ ఆ ప్రాజెక్ట్‌ను తాత్కాలికంగా ఆపేశారు.
ఇక తాజాగా “దృశ్యం 3” గురించి కొత్త వార్తలు వినిపిస్తున్నాయి. జీతూ జోసెఫ్ ఈసారి కొత్త ఎక్స్‌పెరిమెంట్ చేయాలని భావిస్తున్నారట. తెలుగు, మలయాళం, హిందీ భాషల్లో ఒకేసారి ఈ సినిమాను తెరకెక్కించాలనే ఆలోచనలో ఉన్నారని సినీ వర్గాల్లో టాక్ వినిపిస్తోంది.
