జాతీయ నటుడు అల్లు అర్జున్, లెక్కల మాస్టర్‌ సుకుమార్‌ కాంబోలో తెరకెక్కిన చిత్రం పుష్ప. దాని సీక్వెల్‌ గా రాబోతున్న చిత్రం పుష్ప 2 . ఈ సినిమా షూటింగ్‌ శరవేగంగా జరుపుకుంటున్న సంగతి తెలిసిందే. ఈ ఏడాది ఆగస్టు 15న వరల్డ్‌ వైడ్‌ గా విడుదల కాబోతుంది. ఈ సినిమా పై ముందు నుంచి కూడా భారీ అంచనాలు ఉన్నాయి.
బన్నీ బర్త్ డే కానుకగా .. విడుదలైన టీజర్‌ ఎంత పెద్ద హిట్‌ అయ్యిందో అందరికీ తెలిసిందే. విడుదలైన కొద్ది గంటల్లోనే కొన్ని మిలియన్ల వ్యూస్‌ ని సొంతం చేసుకుంది. ఈ క్రమంలోనే ఈ సినిమా గురించి ఇప్పుడు మరోవార్త ఇండస్ట్రీని షేక్ చేస్తుంది. అది ఏంటంటే.. పవర్ స్టార్ పవన్ కళ్యాణ్ ఈ సినిమాలో భాగం కాబోతున్నారని తెలుస్తోంది.
అంటే ఆయన ఈ సినిమాలో నటిస్తున్నారా? అనే డౌట్ వస్తుంది కదూ.. ఈ సినిమాలో కథానాయికున్ని ఇంట్రడ్యూస్ చేస్తూ సినిమా ప్రారంభంలో కొన్ని డైలాగులను పవన్ చెప్పబోతున్నారట. పవన్ తన వాయిస్ ను ఇవ్వనున్నారని సోషల్ మీడియాలో ఓ వార్త చక్కర్లు కొడుతుంది. ఇక ఇటీవల అల్లు అర్జున్ కి బర్త్ డే రోజు విషెస్ చెబుతూ పవన్ విషెస్ చెబుతూ ఓ ట్వీట్ ని కూడా చేశారు..
ఈ సినిమాకు మరింత హైప్ ను క్రియేట్ చేసేందుకు సుక్కు పవన్ కళ్యాణ్ ను రంగంలోకి దించబోతున్నారని సమాచారం. దీని గురించి క్లారిటీ రావాలంటే మరి కొద్ది రోజులు వెయిట్ చెయ్యాల్సిందే. ఏది ఏమైనా ఈ వార్త అల్లు అర్జున్ ఫ్యాన్స్ కు సంతోషాన్ని ఇస్తుంది.
