తెలుగు సినిమాల్లో ఒకే తేదీకి రెండు సినిమాలు విడుదల కావడం కొత్తేమీ కాదు. కానీ ఆ రోజు రిలీజ్ అవుతున్న సినిమాల కాంబినేషన్, వాటి వెయిట్‌జ్ చూడాలి గాని. ఇప్పుడు 2026 మార్చ్ నెలలో అలాంటి ఓ ఇంట్రెస్టింగ్ క్లాష్ ఖరారైంది. ఒకవైపు గ్లోబల్ స్టార్ రామ్ చరణ్ నటిస్తున్న “పెద్ది”, మరోవైపు నాచురల్ స్టార్ నాని లీడ్ రోల్ లో చేస్తున్న “ది ప్యారడైజ్” రిలీజ్‌కి సిద్ధమవుతున్నాయి.
అయితే కొంతకాలంగా పెద్ది చిత్రం సింగిల్ రిలీజ్ అవుతుందంటూ వార్తలు వినిపించాయి. ది ప్యారడైజ్ పోస్ట్ పోన్ అవుతుందన్న రూమర్స్ కూడా చక్కర్లు కొట్టాయి. కానీ తాజాగా ఆ ఊహాగానాలకు స్టాపు పెడుతూ నాని సినిమా టీమ్ నుంచి ఒక మాస్ లుక్ రిలీజైంది. సినిమాతో పాటు విడుదల తేదీ కూడా ఫిక్స్ చేసేశారు. 2026 మార్చ్ 26న థియేటర్స్‌లోకి వస్తుందంటూ అధికారికంగా ప్రకటించారు. దీని వల్ల ఈ రెండు భారీ సినిమాల మధ్య కాంపిటీషన్ మళ్లీ అధికారికంగా మొదలైంది.
పెద్ది చిత్రాన్ని “ఉప్పెన” ఫేం బుచ్చిబాబు సానా డైరెక్ట్ చేస్తున్నారు. వృద్ధి సినిమాస్ ఈ చిత్రాన్ని నిర్మిస్తోంది. చరణ్ ఈ సినిమాలో పూర్తిగా మాస్ లుక్‌లో కనిపించనున్నట్లు ఇప్పటి వరకూ వచ్చిన పోస్టర్స్‌, గ్లింప్స్ ద్వారా అర్థమవుతోంది. మరోవైపు “దాస్ కా ధమ్కీ” లాంటి హిట్ తరువాత శ్రీకాంత్ ఓదెల దర్శకత్వం వహిస్తున్న చిత్రం “ది ప్యారడైజ్”. ఈ మూవీకి ఎస్ ఎల్ వి సినిమాస్ భారీ స్థాయిలో నిర్మాణం చేపట్టింది.
ఈ రెండు సినిమాలూ తమతమ స్టార్ల కెరీర్‌లో కీలకంగా నిలవబోతున్నాయన్న భావన అభిమానుల్లో ఉంది. కథా బలం, డైరెక్షన్, టెక్నికల్ హై వాల్యూస్ – అన్ని కలిపి ఏ సినిమా మెరుగ్గా నిలుస్తుందో చూడాలి. కానీ ఇప్పటివరకు మాత్రం ఫ్యాన్స్ మధ్య హైప్ మాత్రం సరిసమానంగా కనిపిస్తోంది.
మొత్తానికి వచ్చే ఏడాది మార్చ్ చివర్లో తెలుగు సినీ ప్రియులకు ఒక గ్రాండ్ ఫెస్టివల్ వంటిది జరగబోతోందని చెప్పొచ్చు.
