రీసెంట్ గానే ఐకాన్ స్టార్ అల్లు అర్జున్ హీరోగా నటించిన చిత్రం పుష్ప 2 ది రూల్ పాన్ ఇండియా లెవెల్లో రికార్డులు మోత మోగించిన సంగతి తెలిసిందే. అయితే ఈ చిత్రం తర్వాత అల్లు అర్జున్ నటించనున్న సినిమాలపై మరిన్ని అంచనాలు నెలకొనగా తన లైనప్ లో మాటల మాంత్రికుడు త్రివిక్రమ్ శ్రీనివాస్ సహా కోలీవుడ్ యువ దర్శకుడు అట్లీ కలయికలో రానున్న సినిమాలపై సాలిడ్ హైప్ నెలకొంది.
అయితే నెమ్మదిగా ఇపుడు అట్లీ ప్రాజెక్ట్ ముందు ఉంటుంది అన్నట్టుగా గాలి మళ్లుతుంది కానీ అధికారికంగా మాత్రం ఎలాంటి క్లారిటీ లేదు. ఇక ఈ సాలిడ్ కాంబినేషన్ పై ఒక ఇంట్రెస్టింగ్ బజ్ ఇపుడు వినిపిస్తుంది. దీని ప్రకారం ఈ చిత్రం ఇంటర్నేషనల్ లెవెల్ బ్యాక్ డ్రాప్ లో ఉంటుంది అని తెలుస్తుంది. అట్లీ బన్నీ కోసం చాలా స్పెషల్ గా ఈ సినిమాని డిజైన్ చేస్తున్నాడట. మొత్తానికి మాత్రం వీరి కలయికలో ఏదో పెద్ద విస్ఫోటనమే ఉండేలా ఉందని చెప్పాలి.
