బాలయ్య – బోయపాటి శ్రీను కాంబోలో వచ్చిన అఖండ సినిమా అద్భుత విజయాన్ని అందుకుంది. దీంతో ‘అఖండ 2 – తాండవం’ పై భారీ అంచనాలు ఏర్పడ్డాయి. ఇప్పటికే ఈ సినిమాకు సంబంధించిన పూజా కార్యక్రమాలు మొదలయ్యాయి. ప్రస్తుతం ఈ సినిమాలో నటించే నటీనటుల ఎంపిక పై దర్శకుడు బోయపాటి దృష్టి పెట్టినట్లు సమాచారం.
షూటింగ్ కి ఇంకా సమయం ఉన్నప్పటికీ, కీలక పాత్రల్లో ఇతర భాషల నటులను కూడా తీసుకోవాలని చిత్ర బృందం ఫిక్స్ అయ్యింది. ఈ నేపథ్యంలోనే నటీనటుల ఎంపిక పై కసరత్తులు మొదలు పెట్టారు. ఇప్పటికే, ‘అఖండ 2’ లో బాలీవుడ్ స్టార్ సంజయ్ దత్ కూడా ఓ కీలక పాత్రలో కనిపిస్తారనే సమాచారం ఉంది.
మరి ఈ వార్తల్లో నిజం ఉందో లేదో చూడాలి. కాగా ఈ సినిమాను 14 రీల్స్ ప్లస్ బ్యానర్‌పై రామ్ ఆచంట, గోపీ ఆచంట ప్రొడ్యూస్ చేస్తున్నారు. థమన్ ఈ సినిమాకు సంగీతం అందిస్తున్నారు.
