టాలీవుడ్ లో యువతను విపరీతంగా ఆకట్టుకుంటున్న స్టార్ హీరో విజయ్ దేవరకొండ లేటెస్ట్ సినిమా “కింగ్డమ్” ఎట్టకేలకు థియేటర్లలోకి వచ్చింది. ఈ చిత్రం ఎన్నోసార్లు వాయిదా పడినా ప్రేక్షకుల్లో ఆసక్తి ఏమాత్రం తగ్గలేదు. విడుదలైన తొలి రోజే భారీగా బుకింగ్స్ నమోదు అవ్వడం విశేషం. పాన్ ఇండియా లెవెల్ లో ఒక్కసారిగా రిలీజ్ కావడంతో సినిమాపై ఉన్న హైప్ స్పష్టంగా కనిపిస్తోంది.
ట్రేడ్ వర్గాల అంచనాల ప్రకారం, ఈ సినిమా విజయ్ కెరీర్ లో ఇప్పటివరకు ఎప్పుడూ లేని రీతిలో ఓపెనింగ్ వసూళ్లు రాబట్టే అవకాశం ఉంది. మొదటి రోజు ప్రపంచవ్యాప్తంగా ఈ చిత్రం 30 కోట్లకంటే ఎక్కువగా, కొన్ని ప్రాంతాల్లో అయితే 40 కోట్ల వరకు గ్రాస్ సాధించవచ్చని సమాచారం. ఇదివరకు విజయ్ చేసిన సినిమాలతో పోలిస్తే, ఈ సినిమా ఓపెనింగ్స్ మొత్తం కొత్త స్థాయికి తీసుకెళ్లనున్నాయని టాక్ వినిపిస్తోంది.
కింగ్డమ్ సినిమాకి మ్యూజిక్ అందించిన అనిరుద్ సంగీతం కూడా సినిమాకి బాగా ప్లస్ అయ్యిందని అంటున్నారు. ఇక నిర్మాణ విషయానికి వస్తే, సితార ఎంటర్టైన్మెంట్స్ మరియు ఫార్చూన్ ఫోర్ సినిమాస్ కలిసి ఈ ప్రాజెక్ట్‌ను నిర్మించాయి. మొత్తంగా ఈ సినిమాతో విజయ్ దేవరకొండ మరోసారి తన మార్కెట్ రేంజ్ ఏంటో నిరూపించబోతున్నాడని సినీ వర్గాల్లో చర్చ జరుగుతోంది.
