భారతీయ సినిమాకు గర్వకారణంగా నిలిచిన దర్శకుడు ఎస్‌.ఎస్‌.రాజమౌళి ఎన్నో అద్భుతమైన చిత్రాలను అందించారు. ప్రతి ప్రేక్షకుడికి ఆయన సినిమాల్లో ఒక ఫేవరెట్‌ మూవీ ఉంటుంది. అలాగే రాజమౌళి గారికీ తన హృదయానికి దగ్గరైన సినిమా ఒకటి ఉందట. అది ఏంటో ఇటీవల ఒక ఈవెంట్‌లో బయటపెట్టారు.
జూనియర్ ఎన్టీఆర్ ప్రీ-రిలీజ్ కార్యక్రమంలో ప్రత్యేకంగా జరిగిన ప్రశ్నోత్తరాల్లో ఈ విషయం వెలుగులోకి వచ్చింది. స్క్రీన్‌పై ఆయన గత సినిమాల కొన్ని ఫ్రేమ్స్ చూపించారు. అందులో ‘ఈగ’ ఫ్రేమ్ వచ్చినప్పుడు అదే తనకు అత్యంత ఇష్టమైన సినిమా అని రాజమౌళి చెప్పేశారు. ఆశ్చర్యకరమైన విషయం ఏమిటంటే మగధీర, సై, బాహుబలి, RRR వంటి బ్లాక్‌బస్టర్స్ ఉన్నా, ఆయనకు బెస్ట్‌గా అనిపించింది మాత్రం ‘ఈగ’ అని.
ఫ్యాన్స్ మాత్రం ఆయన నుంచి బాహుబలి లేదా RRR పేరు వినాలని అనుకున్నారు. కానీ ఈగ అని చెప్పడంతో చాలామందికి కాస్త ఆశ్చర్యమే కలిగింది. ఈ సినిమా క్రియేటివిటీ, కాన్సెప్ట్‌ విషయంలో ఎంత ప్రత్యేకమో అందరికీ తెలిసిందే. కాబట్టి రాజమౌళి మనసులో ఈగకు ఎందుకు అంత ప్రాధాన్యం ఉందో ఈ మాటలతో మరొక్కసారి స్పష్టమైంది.
