మనదే అనుకుంటే ఎలా! గ్లోబల్ స్టార్ రామ్ చరణ్ హీరోగా నటించిన తాజా సినిమా “గేమ్ ఛేంజర్” గురించి అందరికీ తెలిసిందే. ఎన్నో అంచనాలు నడుమ వచ్చిన ఈ సినిమా కుట్ర పూరితంగా చంపబడింది అని అభిమానులు, మేకర్స్ అంటున్న విషయం తెలిసింఏ. మరి చివరికి ఈ సినిమా బాక్సాఫీస్ పరంగా ఒక డిజప్పాయింటింగ్ ఎండింగ్ తోనే నిలిచింది. అయితే తాజాగా ఈ సినిమా గురించి రామ్ చరణ్ చేసిన కామెంట్స్ కొన్ని వైరల్ గా మారాయి.చరణ్ ఆఫ్ లైన్ లో ఎంత పరిపక్వతతో నడుచుకుంటాడో అందరికీ తెలిసిందే. హీరో గానే కాకుండా తన మాట, నడవడికతో కూడా చాలా మంది అభిమానులను తను సంపాదించుకున్నాడు. మరి ఇలా బాలయ్య టాక్ షోలో తను చేసిన కామెంట్స్ ఇపుడు వైరల్ గా మారాయి. నేనెప్పుడూ హుందాతనాన్నే పాటించాలని కోరుకుంటాను. ఏదైనా చర్య జరిగితే జరిగితే దానికి వెంటనే ప్రతి చర్య జరగాలని కోరుకోను, కాలమే అన్నిటికీ సమాధానం చెప్తుంది అని నేను నమ్ముతాను అంటూ చెప్పుకొచ్చాడు. అలాగే ప్రతీ సంవత్సరం మనది కాదు అలానే ప్రతీ వారం, ప్రతీ రోజు మనవి కాదు. కొన్ని సార్లు మనకి అద్భుతంగా ఉండొచ్చు కానీ కొన్ని సార్లు మనకి అనుకూలంగా ఉండదు అనేది ఒప్పుకొని తీరాలి అంటూ చెప్పుకొచ్చాడు. దీంతో ప్రస్తుత పరిస్థితికి ఇవి యాదృచ్చికంగా కలిసి వైరల్ అవుతున్నాయి.
