ఏమైందంటే! మెగాస్టార్ చిరంజీవి హీరోగా అనిల్ రావిపూడి దర్శకత్వంలో ఓ ఫుల్ కామెడీ ఎంటర్ టైనర్ రాబోతుంది. ఐతే, ఈ సినిమా 2026 సంక్రాంతికి ప్రేక్షకుల ముందుకు వస్తున్నట్లు దర్శకుడు అనిల్ రావిపూడి క్లారిటీ ఇచ్చారు. నిన్న సింహాచలం లక్ష్మీ నరసింహస్వామివారిని దర్శించుకున్న అనిల్ రావిపూడి ఈ సందర్భంగా మాట్లాడుతూ.. ‘మెగాస్టార్ తో తీయబోయే మూవీ స్క్రిప్ట్ స్వామి సన్నిధిలో పెట్టి పూజలు చేశాం.
సినిమా కథలు రాయడానికి నేను వైజాగ్‌ ను సెంటిమెంట్‌గా భావిస్తాను, అందుకే ప్రతి స్క్రిప్ట్ ఇక్కడే పూజలు చేయిస్తాను’ అంటూ అనిల్ రావిపూడి చెప్పుకొచ్చాడు. ఇక ఈ చిత్రం షూటింగ్ జూన్ లో ప్రారంభమవుతుందట. అన్నట్టు ఈ సినిమా గురించి ఆ మధ్య మెగాస్టార్ మాట్లాడుతూ.. ‘ఈ సినిమా పూర్తిస్థాయి వినోదాత్మక చిత్రమని.. ఈ మూవీ సెట్స్‌లో అడుగుపెట్టేందుకు తాను ఆసక్తిగా ఎదురుచూస్తున్నాను అని చిరు ఆల్ రెడీ చెప్పారు. ఈ సినిమా కచ్చితంగా అభిమానులకు నచ్చుతుంది’ అని మెగాస్టార్ చిరంజీవి తెలిపారు. ఇక సాహు గారపాటి, సుస్మిత సంయుక్తంగా ఈ సినిమాని నిర్మిస్తారని చిరు తెలిపారు.
