గ్లోబల్‌ స్టార్ రామ్ చరణ్, బుచ్చిబాబు సాన డైరెక్షన్‌ లో తన 16 వ సినిమా చేస్తున్నాడనే విషయం తెలిసిందే. ఈ సినిమా పూజా కార్యక్రమాలు ఈ మధ్యనే జరిగిన విషయం తెలిసిందే. ఈ సినిమాకి మైత్రి మూవీ మేకర్స్ స్నేహితుడిగా ఉన్న వెంకట్ సతీష్ కిలారు నిర్మాతగా మారుతున్న ఈ సినిమాని వృద్ధి సినిమాస్ బ్యానర్ మీద నిర్మిస్తున్నారు. దాంతోపాటు సుకుమార్ రైటింగ్స్ బ్యానర్ కూడా సహ నిర్మాణ సంస్థగా వ్యవహరిస్తోంది.
ఇక ఈ సినిమా మొదలుపెట్టినప్పుడే …ఈ కథ చెప్పినప్పుడు ఆశ్చర్యపోయామని సినిమా హీరో రామ్ చరణ్ తో పాటు ఈ సినిమాలో కీలక పాత్రలో నటిస్తున్న శివ రాజ్ కుమార్ కూడా వెల్లడించారు. ఇక ఈ సినిమాలో సంజయ్ దత్ విలన్ గా నటిస్తున్నాడని వార్త తెర మీదకి వచ్చిన సంగతి తెలిసిందే. అయితే సినిమా గురించి మరో ఆసక్తికరమైన వార్త కూడా తెర మీదకు వచ్చింది. అదేమిటంటే ఈ సినిమాలో మెగాస్టార్ అమితాబచ్చన్ కూడా కనిపించబోతున్నారట…. అది కూడా రామ్ చరణ్ పాత్రకి తాత పాత్రలో ఆయన కనిపించబోతున్నారని వినికిడి.
ఈ సినిమా ఒక స్పోర్ట్స్ బ్యాక్ డ్రాప్ లో రూపుదిద్దుకుంటున్న సినిమా అని ముందు నుంచి చిత్ర బృందం చెబుతున్నారు. శ్రీకాకుళం జిల్లాకు చెందిన కోడి రామ్మూర్తి నాయుడు బయోపిక్ అనే ప్రచారం జరుగుతున్నా అది నిజం కాదని సినిమా యూనిట్ చెప్తోంది.
