మెగాపవర్‌ స్టార్‌ రామ్‌ చరణ్‌ ప్రస్తుతం వరుస సినిమాలతో ఫుల్‌ బిజీగా ఉన్నాడు. శంకర్‌ దర్శకత్వంలో గేమ్‌ చేంజర్‌ సినిమా చేస్తుంటే.. బుచ్చిబాబు సాన దర్శకత్వంలో పెద్ది అనే సినిమాతో ముందుకు రాబోతున్నాడు. గేమ్‌ ఛేంజర్‌ సినిమాలో చరణ్‌ ఫుల్‌ క్లాసీ లుక్‌ లో కనిపిస్తున్న చిత్రం ఒకటి సోషల్‌ మీడియాలో వైరల్ గా మారింది. ఈ సినిమాలో కియారా అద్వాణీ చరణ్‌ సరసన కథానాయికగా నటిస్తుంది.
పెద్ది చిత్రంలో చరణ్‌ డబుల్‌ రోల్‌ లో నటిస్తున్నట్లు సమాచారం. ఈ చిత్రం ఇంకా సెట్స్ మీదకు వెళ్లకపోవడంతో చరణ్‌ కి కాస్త విరామం లభించింది. దీంతో చరణ్‌ కుటుంబంతో వెకేషన్‌ ఎంజాయ్‌ చేస్తున్నాడు. గేమ్‌ చేంజర్‌ సినిమా కోసం చరణ్‌ ప్రస్తుతం వైజాగ్ లో ఉన్నాడు.
దీంతో ఫ్యామిలీతో కలిసి వైజాగ్ బీచ్‌ లో చరణ్‌ ఎంజాయ్‌ చేస్తున్నాడు.
ఉపాసన, క్లింకార తో కలిసి వైజాగ్ బీచ్‌ లో సన్‌ రైజ్‌ ను ఎంజాయ్‌ చేస్తున్న ఫోటోలు ప్రస్తుతం సోషల్‌ మీడియాలో వైరల్ అయ్యాయి. ఈ ఫొటోల్లో ఉపాసన రాళ్ల మీద కూర్చుని ఉండగా.. చరణ్‌ క్లింకారను ఎత్తుకుని ఉన్నాడు. ఇందుకు సంబంధించిన ఫొటోలను ఉపాసన తన ఇన్‌ స్టా వేదికగా షేర్‌ చేసింది.
దాని కింద వైజాగ్ మా హృదయాలను దోచుకుంది. క్లింకారకు మొదటి బీచ్‌ అనుభం ఇది అంటూ రాసుకొచ్చింది.
