టాలీవుడ్‌ యంగ్‌ హీరో విశ్వక్ సేన్ గామి చిత్రంతో ప్రేక్షకుల ముందుకు వచ్చి ప్రేక్షకులను ఆలరించాడు. శుక్రవారం విశ్వక్ సేన్ పుట్టిన రోజు సందర్భంగా తన పదవ చిత్రానికి సంబంధించిన టైటిల్‌ , ఫస్ట్‌ లుక్‌ పోస్టర్ ని చిత్ర బృందం వెల్లడించింది. ఈ సినిమాకి రవితేజ ముళ్లపూడి అనే కొత్త దర్శకుడు డైరెక్షన్‌ చేస్తున్నాడు.
ఈ చిత్రాన్ని ప్రముఖ నిర్మాత తాళ్లూరి ఎస్‌ఆర్టీ ఎంటర్టైన్మెంట్స్ వారు భారీ ఎత్తున నిర్మిస్తున్న ఈ చిత్రంలో విశ్వక్ సేన్ హీరో కాగా మీనాక్షి చౌదరి హీరోయిన్‌ గా నటిస్తోంది. అయితే ఈ చిత్రానికి మెకానిక్‌ రాకీ అనే టైటిల్‌ ను ఖరారు చేశారు. చిత్రం బృందం టైటిల్‌ పోస్టర్ ని చాలా క్రియేటివ్ గా డిజైన్‌ చేశారు. ఈ పోస్టర్ లో విశ్వక్ మాస్ లుక్‌, పవర్‌ ఫుల్‌ అవతార్ లో కనిపించాడు.
చేతిలో పెద్ద రెంచ్‌ తో సిగరెట్‌ తాగుతూ పక్కా మాస్ లుక్‌ లో గడ్డంతో కనిపిస్తున్నాడు. వెనుకాల మెకానిక్‌ షెడ్ కూడా ఉంది. టైటిల్‌ లోగో, ఫస్ట్‌ లుక్‌ పోస్టర్ ఆకట్టుకున్నాయి. ఈ సినిమా కామెడీ, యాక్షన్‌ బ్యాగ్రౌండ్ గా తెరకెక్కుతుంది.
