తెలుగులో చేసిన మొదటి సినిమా నుంచి కూడా మంచి విజయాలను అందుకున్న హీరోయిన్‌ ఎవరైనా అన్నారంటే..అది కచ్చితంగా సంయుక్త మీనన్‌ అని చెప్పవచ్చు. మలయాళ భామ అయిన ఈమె తెలుగులో భీమ్లా నాయక్‌ సినిమాతో ఎంట్రీ ఇచ్చి విరూపక్ష, బింబిసార, సార్‌ సినిమాలతో భారీ విజయాలను తన ఖాతాలో వేసుకుంది.
తాజాగా ఇంకో పెద్ద తెలుగు ప్రాజెక్ట్ ‘స్వయంభు’ చేస్తోంది, ఇందులో నిఖిల్ హీరో అన్న సంగతి తెలిసిందే. ఈ సినిమా కోసమని సంయుక్త గుర్రం స్వారీ కూడా నేర్చుకుంది. ‘స్వయంభు’ ని పాన్‌ ఇండియా వైజ్‌ గా విడుదల చెయ్యడానికి ప్రయత్నం చేస్తున్నారు, ఇదిలా ఉంటే శర్వానంద్ పక్కన కూడా ఇంకో సినిమా చేస్తోంది. ఇలా మంచి ప్రాజెక్టులతో వరసగా సినిమాలు చేసుకుంటూ వెళుతున్న సంయుక్తకి ఇప్పుడు మరో భారీ ఆఫర్ వచ్చినట్లు తెలుస్తుంది. అది దక్షిణాదిలో కాదు, ఏకంగా బాలీవుడ్ నుండి అంట…
హిందీలో ఓ ఆసక్తికరమైన ప్రాజెక్ట్ కోసం సంయుక్త ని ఎంపిక చేసారని ఒక టాక్ నడుస్తోంది. ఇందులో ఆమె పాత్ర చాలా బాగుంటుంది అని, అందుకే ఆమెని ముంబై పిలిపించారని, ఆమె ఈ హిందీ సినిమా ఖరారు చేసుకునేందుకు ముంబై వెళ్లిందని తెలుస్తోంది. విమానాశ్రయంలో సంయుక్త వెళుతున్న ఫోటోస్ ఇప్పుడు సోషల్‌ మీడియాలో వైరల్ అవుతున్న సంగతి తెలిసిందే.
కేవలం ఆ హిందీ సినిమా ఖరారు చేసుకునేందుకు ముంబై లో ల్యాండ్‌ అవుతుందని.. త్వరలోనే ఆ సినిమా వివరాలు సంయుక్త ప్రకటించ వచ్చని తెలుస్తోంది. ఈ హిందీ సినిమా ఖరారైతే ఇటు దక్షిణాదిలో కొనసాగిస్తున్న విజయపరంపరని ఇప్పుడు అటు హిందీలో కూడా సంయుక్త కొనసాగిస్తుందని చెపుతున్నారు.
