కోలీవుడ్‌ స్టార్ నటుడు విక్రమ్ గురించి ప్రత్యేకంగా చెప్పాల్సిన అవసరం లేదు. తెలుగులో కూడా ఆయన క్రేజ్‌ గురించి ప్రత్యేకంగా చెప్పాల్సిన అవసరం లేదు. ప్రస్తుతం బ్యాక్ టు బ్యాక్ సినిమాల్లో నటిస్తూ ఫుల్‌ బిజీగా ఉన్నాడు. తాజాగా మరో భారీ సినిమాతో ప్రేక్షకుల ముందుకు వచ్చేందుకు రెడీ గా ఉన్నాడు.
విల‌క్ష‌ణ నటుడు చియాన్ విక్రమ్ హీరోగా హెచ్‌.ఆర్‌.పిక్చ‌ర్స్ బ్యాన‌ర్‌పై ఎస్‌.యు.అరుణ్ కుమార్ ద‌ర్శ‌క‌త్వంలో రియా శిబు నిర్మిస్తోన్న భారీ చిత్రం ‘వీర ధీర శూరన్’..విక్రమ్ 62 వ సినిమాగా ఈ సినిమా రాబోతుంది.. ఈ సినిమా ప్రస్తుతం శరవేగంగా షూటింగ్ జరుపుకుంటుంది.. భారీ సెట్‌లో శరవేగంగా చిత్రీక‌ర‌ణ జరుగుతుంది.
రీసెంట్‌గా విడుద‌లైన టైటిల్ టీజ‌ర్‌కు ఎక్స్‌ట్రార్డిన‌రీ రెస్పాన్స్ వ‌చ్చింది. తెన్ కాశీలో భారీ సెట్ వేసి సినిమాను పూర్తి చేస్తున్నారు మేకర్స్.. తాజాగా ఈ విషయాన్ని మేకర్స్ అనౌన్స్ చేశారు. విక్రమ్ ఇప్పటి వరకు సరికొత్త పాత్రలో నటిస్తూ వచ్చాడు.. ఇప్పటి వరకు చేయ‌న‌టువంటి డిఫ‌రెంట్ రోల్‌లో విక్రమ్ కనిపించబోతున్నారు.
ఆయన లుక్ మాస్‌, ర‌గ్డ్‌గా ఉంది. సినిమా అనౌన్స్ చేసిన‌ప్ప‌టి నుంచి అంచ‌నాలు పెరుగుతున్నాయి. ఈ మూవీ లో విక్రమ్ కాళి పాత్రలో నటిస్తున్నాడు.. సిద్దిఖీతో పాటు ఎస్‌.జె.సూర్య, దుస‌రా విజ‌య‌న్ త‌దిత‌రులు కీల‌క పాత్ర‌ల్లో న‌టిస్తున్నారు.
