హీరో విజయ్ ఆంటోనీ తాజాగా నటిస్తున్న సినిమా తుఫాన్. వాస్తవానికి ఈరోజు విడుదల కావాల్సి ఉంది. అయితే మరో ఐదు తెలుగు సినిమాలు కూడా ఈ రోజే విడుదల అవుతున్న నేపథ్యంలో ఈ సినిమాని వాయిదా వేసినట్టు మూవీ మేకర్స్‌ చెబుతున్నారు. ఈ సినిమాను ఇన్ఫినిటీ ఫిల్మ్ వెంచర్స్ బ్యానర్ వారు ఎంతో ప్రతిష్టాత్మకంగా నిర్మిస్తున్నారు. సంస్థ గతంలో విజయ్ ఆంటోనీ హీరోగా రాఘవన్, హత్య సినిమాలను తెరకెక్కించిన సంగతి తెలిసిందే.
తాజాగా పొయెటిక్ యాక్షన్ ఎంటర్ టైనర్ జానర్ లో దర్శకుడు విజయ్ మిల్టన్ “తుఫాన్” సినిమాను తెరకెక్కించారు. ఇక వాయిదా పడ్డ “తుఫాన్” సినిమా శ్రీ సిరి సాయి సినిమాస్ ద్వారా ఆగస్టు 9న ప్రపంచవ్యాప్తంగా గ్రాండ్ థియేట్రికల్ విడుదలకు సిద్దం కాబోతుంది. ఇక రీసెంట్ గా ఈ సినిమా నుంచి విడుదల చేసిన స్నీక్ పీక్ కు హ్యూజ్ రెస్పాన్స్ లభిస్తోంది.
ప్రేక్షకులకు కొత్త సినిమాటిక్ ఎక్సీపిరియన్స్ ఈ “తుఫాన్” ఇవ్వబోతున్నట్లు చిత్ర బృందం చెబుతుంది. మేఘా ఆకాష్, మురళీ శర్మ, పృథ్వీ అంబర్, శరణ్య పొన్వన్నన్, తలైవాసల్ విజయ్శరత్ కుమార్, సత్యరాజ్, డాలీ ధనుంజయ నటించిన ఈ సినిమా కి యాక్షన్ సుప్రీమ్ సుందర్ కొరియోగ్రాఫర్.
