వివాదాలకు కేరాఫ్‌ అడ్రస్‌ అయినటువంటి జ్యోతిష్యుడు వేణు స్వామి గురించి ప్రత్యేకంగా చెప్పాల్సిన అవసరం లేదు. తాజాగా ఆయన ది ఫ్యామిలీ స్టార్‌ సినిమా మీద జరిగిన నెగిటివ్‌ పబ్లిసిటీ గురించి మాట్లాడారు. కొత్త సంవత్సరం కారణంగా ఆయన ఓ యూట్యూబ్‌ ఛానల్‌ కి ఇచ్చిన ఇంటర్వ్యూలో ఆయన అనేక విషయాలను ప్రేక్షకులతో పంచుకున్నారు.
అందులో భాగంగానే ముందు ఆయన మహేష్‌ బాబు నటించిన గుంటూరు కారం సినిమా విషయంలో నెగిటివ్‌ పబ్లిసిటీ పెద్ద ఎత్తున మూవీని నష్టపరిచిందని తెలియజేశారు. అంతేకాకుండా నిన్న కాక మొన్న వచ్చిన విజయ్‌ దేవరకొండ ఫ్యామిలీ స్టార్‌ సినిమా మీద కూడా పెద్ద ఎత్తున నెగిటివ్‌ పబ్లిసిటీ జరగడం వల్లే సినిమా విడుదల కాకముందే రివ్యూలు పెట్టడం మొదలు పెట్టారు.
ఇది బేకార్‌ సినిమా అని చూడాల్సిన అవసరం లేదని పెద్ద ఎత్తున నెగిటివ్‌ రివ్యూలు బయటకు రావడంతో విజయ్‌ దేవరకొండ బలైపోయాడని వేణుస్వామి సంచలన వ్యాఖ్యాలు చేశాడు. సినిమా విడుదల కాకముందే ఇలా నెగిటివిటీని ప్రచారం చేయడం వల్ల సినిమాను చూసేందుకు పెద్దగా ఎవరూ ఆసక్తి చూపలేదని వేణు స్వామి అన్నాడు.
అలా విజయ్‌ దేవరకొండకి పెద్ద నష్టం వచ్చి పడిందని వేణు స్వామి వ్యాఖ్యానించారు.
