వెంకీ మామ న్యూ ఇయర్‌ ట్రీట్ అదిరింది! స్టార్ హీరో విక్టరీ వెంకటేష్ నటిస్తున్న తాజా సినిమా ‘సంక్రాంతికి వస్తున్నాం’ ఇప్పటికే ప్రేక్షకుల్లో సాలిడ్ అంచనాలు ఏర్పరిచింది. దర్శకుడు అనిల్ రావిపూడి దర్శకత్వం వహిస్తున్న ఈ ఫ్యామిలీ ఎంటర్‌టైనర్ మూవీ నుంచి ఇప్పటివరకు విడుదలైన ప్రమోషనల్ కంటెంట్ ఆడియెన్స్‌ను ఆకట్టుకోవడంలో పూర్తి విజయాన్ని అందుకుంది.
ఇక ఈ సినిమాను సంక్రాంతి కానుకగా విడుదల చేస్తుండటంతో ఈ సినిమాని చూసేందుకు ప్రేక్షకులు ఆసక్తిగా ఉన్నారు. ఇదిలా ఉండగా, ఈ సినిమా నుంచి కొత్త సంవత్సరం కానుకగా ఓ ట్రీట్ ఇవ్వబోతున్నట్లు చిత్ర యూనిట్ ప్రకటించింది. ఈ సినిమాలో వెంకీ చేసే పాత్ర ప్రేక్షకులను ఆద్యంతం నవ్విస్తుందని.. అలాగే ఈ సినిమాలో ఆయన కొన్ని ఆసక్తికర లుక్స్‌తో ఆకట్టుకుంటాడని సమాచారం. కాగా వెంకీ కెరీర్‌లో ఐకానిక్ చిత్రాల్లోని కొన్ని గెటప్స్‌తో ఓ ట్రీట్ ఇచ్చేందుకు మేకర్స్ సిద్దమయ్యారు.
‘చంటి’ నుంచి చంటి.. ‘బొబ్బిలి రాజా’ నుంచి రాజా.. ‘జయం మనదేరా’ నుంచి మహాదేవ నాయుడు.. ‘ఘర్షణ’ నుంచి డీసీపీ రామచంద్ర పాత్రలు ప్రేక్షకులను అలరించేందుకు రెడీ అవుతున్నాయని చిత్ర యూనిట్ తెలిపింది. కొత్త సంవత్సరం రోజును మరింత ప్రత్యేకం చేసేందుకు ఈ ఐకానిక్ పాత్రలు రాబోతున్నాయని చిత్ర యూనిట్ వెల్లడించింది.
