నంద‌మూరి బాల‌కృష్ణ అటు తన సినీ కెరీర్ లో 109 వ సినిమాని నిర్మిస్తుండగా.. ఆ సినిమాని చాలా వేగంగా షూటింగ్‌ జరుపుకుంటున్నాడు. ఈ సినిమాలో ఓ ప‌వ‌ర్ఫుల్ పాత్ర‌లో బాల‌య్య క‌నిపిస్తాడు. ఇక ఈ సినిమాను వీలైనంత త్వ‌ర‌గా పూర్తి చేసి ప్రేక్ష‌కుల ముందుకు తీసుకొచ్చేందుకు సినిమా బృందం భావిస్తోంది.
కాగా, ద‌స‌రా కానుక‌గా బాల‌య్య ఓ ట్రీట్ రెడీ చేస్తున్న‌ట్లుగా సమాచారం. బాల‌య్య హోస్ట్ చేసిన అన్‌స్టాప‌బుల్ టాక్ షో ఎంత‌టి విజ‌యాన్ని అందుకుందో తెలిసిన విషయమే. ప్ర‌ముఖ ఓటీటీ ప్లాట్‌ఫామ్ ఆహాలో ఈ టాక్ షో స్ట్రీమ్ అయ్యింది. ఇక రెండు సీజన్లు కూడా భారీ విజ‌యాన్ని అందుకున్నాయి. లిమిటెడ్ వెర్షన్‌లో మూడో సీజన్ కూడా స్ట్రీమ్ అయ్యింది. దీంతో నిర్వాహ‌కులు ఇప్పుడు నాలుగో సీజ‌న్‌ను రెడీ చేస్తున్నారని టాక్. సెప్టెంబ‌ర్ లో అన్ స్టాప‌బుల్ సీజన్-4ని స్టార్ట్ చేసి తొలి ఎపిసోడ్‌ని ద‌స‌రా కానుక‌గా స్ట్రీమ్ చేయాల‌ని చూస్తున్నట్లు సమాచారం.
దీంతో ఈ టాక్ షోతో మ‌రోసారి బాల‌య్య తన స‌త్తా చాటేందుకు రెడీ అవుతున్నాడు. ఇక ఈ నాలుగో సీజన్ లో కూడా చాలా మంది సెల‌బ్రిటీల‌ను బాల‌య్య ఇంట‌ర్వ్యూ చేయ‌నున్నాడ‌ని టాక్ వినిపిస్తోంది. దీనికి సంబంధించిన అఫీషియ‌ల్ అనౌన్స్మెంట్ వ‌చ్చే వ‌ర‌కు ఫ్యాన్స్ ఎదురు చూడాల్సిందే మరి.
