భగవంత్‌ కేసరి సినిమాతో మూస కథలు, ఫోర్స్ డ్ కామెడీకి స్వస్తి పలికాడు దర్శకుడు అనిల్ రావిపూడి. బాలయ్యను సరికొత్తగా చూపించి అందర్ని ఆశ్చర్యానికి గురి చేశాడు. తన నుండి ఇక నుండి కంటెంట్ బేస్డ్ సినిమాలు వస్తాయని ఇటీవల ఓ ప్రకటనలో తెలిపాడు అనిల్. ఈ తరుణంలో మరొక సీనియర్ హీరో విక్టరీ వెంకీతో అనిల్ ఓ కొత్త చిత్రాన్ని మెుదలు పెట్టాడు. విభిన్న కథ, కథనంతో తెరకెక్కించేలా ప్లాన్ చేస్తున్నాడు ఈ ఒంగోలు కుర్రాడు. గతంలో వెంకీ మామకు రెండు సూపర్ హిట్లు అందించాడు ఈ యంగ్‌ డైరెక్టర్.
తాజా చిత్రాన్ని కూడా పర్ఫెక్ట్ గా తెరకెక్కించి హ్యాట్రిక్ హిట్ తన ఖాతాలో వేసుకోవాలని ఉవ్విళ్ళూరుతున్నాడు రావిపూడి. ఇటీవల పూజా కార్యక్రమాలతో ఈ సినిమాని ప్రారంభించి ఇతర నటీనటుల సీన్స్ పూర్తి చేసారు. రెండో షెడ్యుల్ ను ఆగస్ట్ 9 నుండి పొల్లాచిలో మెుదలు పెట్టనున్నారు. హీరో విక్టరీ వెంకీ మామ ఈ షెడ్యుల్ నుండి మూవీ షూటింగ్ లో జాయిన్ కాబోతున్నారు.
తాజాగా హైదరాబాద్ లో ఈ చిత్రంలో వెంకీ లుక్ కు సంబంధించిన ఫోటో షూట్ చేశారు. ఈ చిత్రంలో వెంకటేశ్ EX పోలీస్ అధికారిగా కనిపించబోతున్నారు. ఈ చిత్రంలో ఐశ్వర్య రాజేష్ విక్టరీ భార్య పాత్రలో కనిపిస్తుండగా..అందాల తార టాలీవుడ్ లో స్టార్ హీరోల సరసన నటిస్తోన్న మీనాక్షీ చౌదరి వెంకీ ప్రియురాలి పాత్రలో మెరవబోతుంది.
హీరో..భార్య.. మాజీ ప్రేయసి కథనంతో ట్రైయాంగిల్ క్రైమ్ ఎంటర్టైనర్ గా అభిమానుల ముందుకు రానుంది. SVC బ్యానర్ లో 58వ చిత్రంగా రానున్న భారీ బడ్జెట్ లో నిర్మాత దిల్ రాజు, శిరీష్ నిర్మిస్తున్నారు.
