మన టాలీవుడ్ రౌడీ హీరో సెన్సేషనల్ స్టార్ విజయ్ దేవరకొండకి యూత్ లో ఎలాంటి ఫాలోయింగ్ ఉంటుందో ప్రత్యేకంగా చెప్పక్కర్లేదు. మరి ఇప్పుడు ఓ సాలిడ్ హిట్ కోసం తాను ఎదురు చూస్తుండగా టాలెంటెడ్ దర్శకుడు గౌతమ్ తిన్ననూరితో చేస్తున్న సంగతి తెలిసిందే. గత సినిమా ఎఫెక్ట్ ఏమాత్రం కనిపించకుండా దీనిపై భారీ హైప్ అయితే ఏర్పడింది.
ఇక ఈ సినిమాతో బిజీగా ఉంటూనే లేటెస్ట్ గా తాను ఈ దివాళి కానుకగా రానున్న “లక్కీ భాస్కర్” ప్రీ రిలీజ్ ఈవెంట్ కి వచ్చాడు. మరి దుల్కర్ సల్మాన్, మీనాక్షి చౌదరి హీరోయిన్ గా నటిస్తున్న ఈ సినిమాని దర్శకుడు వెంకీ అట్లూరి తీర్చిదిద్దాడు. అయితే ఈ సినిమా ఈవెంట్ కి మాటల మాంత్రికుడు త్రివిక్రమ్ కూడా విచ్చేసారు.
ఈ ఈవెంట్ లో విజయ్ పై త్రివిక్రమ్ చేసిన కామెంట్స్ ప్రస్తుతం వైరల్ అవుతున్నాయి. విజయ్ తనకి బాగా నచ్చిన నటుల్లో ఒకడు అని అలాగే చాలా తక్కువ టైం లోనే విజయ్ ఎంత ప్రేమని చూసాడో అంతకు మించిన ద్వేషాన్ని కూడా చూసేశాడు అని వ్యాఖ్యానించారు. అలాగే బాలగంగాధర్ తిలక్ గారి కవితలో మా వాడు మహా గట్టివాడు అని ఒక కవిత ఉంటుందని చెప్పుకొచ్చారు. ఆయన చెప్పిన ఆ మాట ఈ దేవరకొండ కి పర్ఫెక్ట్ గా సెట్ అవుతుంది. అన్నట్టుగా విజయ్ ‘మా వాడు మహా గట్టోడు’ అంటూ తన మార్క్ కామెంట్స్ కి విజయ్ ఫ్యాన్స్ కి ఫుల్ కిక్ ఇచ్చారు. దీంతో ఈ కామెంట్స్ వైరల్ అవుతున్నాయి.
