చాలా కాలంగా అడివి శేష్ తన రాబోయే పాన్ ఇండియా సినిమా ‘గూడాచారి 2’ గురించి వార్తల్లో నిలుస్తున్నాడు. ఈ చిత్రం 2018లో వచ్చిన స్పై థ్రిల్లర్ చిత్రం ‘గూడాచారి’ కి సీక్వెల్ గా రాబోతుంది. ఈ సినిమాలో అడివి శేష్ తొలిసారిగా మధు శాలితో జంట కడుతున్నారు. ఈ చిత్రంలో ప్రముఖ నటుడు ఇమ్రాన్ హష్మీ కూడా ఓ మెయిన్ రోల్‌ లో నటిస్తున్న సంగతి తెలిసిందే.
‘గూడాచారి 2’ ని గ్రాండ్‌గా మూవీ మేకర్స్100 కోట్ల భారీ బడ్జెట్‌తో ఈ సినిమాని నిర్మిస్తున్నారు. ఈ సినిమా మొదటి భాగాన్ని 6 కోట్ల రూపాయలతో నిర్మించారు. ఆ సినిమా బాక్సాఫీస్ వద్ద రూ.25 కోట్లకు పైగా బిజినెస్ చేసి భారీ వసూళ్లను రాబట్టింది. ప్రస్తుతం ‘గూడాచారి 2’ షూటింగ్ జరుగుతుంది. ఇక ఈ చిత్రాన్ని మరింత గ్రాండ్‌గా చేయడానికి మేకర్స్ స్విట్జర్లాండ్ , పోలాండ్, ఇటలీ ఇలా చాలా యూరోపియన్ దేశాలలో రూపొందించడానికి ప్లాన్ చేస్తున్నారు.
గూడాచారి 2’ చిత్రానికి వినయ్ కుమార్ సిరిగినీడి డైరెక్షన్‌ చేస్తున్నారు. టీజీ విశ్వ ప్రసాద్, వివేక్ కూచిబొట్ల, అభిషేక్ అగర్వాల్ ఈ సినిమాని సంయుక్తంగా నిర్మిస్తున్నారు. ఈ సినిమా వచ్చే ఏడాది థియేటర్లలో విడుదల కాబోతుంది. ప్రస్తుతానికి దీని విడుదల తేదీని ఇంకా ప్రకటించలేదు. ఈ సినిమా తెలుగుతో పాటు హిందీలో కూడా విడుదల కానుంది. దాని ప్రీక్వెల్ ‘గూడాచారి’ తెలుగులో మాత్రమే విడుదలైంది. ఆ తరువాత మేకర్స్ దానిని హిందీలో ‘ఇంటిలిజెంట్ ఖిలాడీ’గా డబ్బింగ్ చేస్తున్నారు.
