గత కొంత కాలంగా టాలీవుడ్ బుట్టబొమ్మ పూజా హెగ్డేకు కాలం కలిసి రావడం లేదనే చెప్పవచ్చు. ఎందుకంటే ఈ ముద్దుగుమ్మ నటిస్తున్న సినిమాలు గత కొంతకాలంగా ఫ్లాపు అవుతూనే ఉన్నాయి. దీంతో ప్రస్తుతం సినిమాలకు కాస్త బ్రేక్‌ ఇచ్చి ఫ్రీ టైం తన కుటుంబంతో హ్యాపీగా గడిపేస్తుంది.
ఇదిలా ఉంటే తాజాగా ఈ భామకు అదిరిపోయే ఆఫర్ వచ్చినట్లు ఇండస్ట్రీలో టాక్‌. టాలీవుడ్ యంగ్ హీరో సిద్దు జొన్నలగడ్డ నటించిన డీజే టిల్లు మూవీ ఎంతటి ఘనవిజయం సాధించిందో అందరికీ తెలిసిన విషయమే. టిల్లు హీరో సిద్దు తనదైన కామెడీతో అదరగొట్టాడు .అలాగే ఈ సినిమాలో మెయిన్ హైలైట్ రాధికా పాత్ర .ఈసినిమాలో రాధికా పాత్రలో యంగ్ హీరోయిన్ నేహా శెట్టి అదరగొట్టింది .తన హాట్ అందాలతో యూత్ లో పిచ్చ క్రేజ్ తెచ్చుకుంది .డీజే టిల్లు సూపర్ హిట్ అవ్వడంతో తాజాగా ఆ చిత్రానికి సీక్వెల్ గా తెరకెక్కిన టిల్లు స్క్వేర్ మూవీ ప్రేక్షకుల ముందుకు వచ్చింది. ఈ సినిమా కూడా ప్రేక్షకులను ఎంతగానో ఆకట్టుకుంది.
టిల్లు స్వేర్‌ మూవీలో అనుపమ పరమేశ్వరన్ హీరోయిన్ గా చేసింది .ఈ సినిమాలో అనుపమ హాట్ షో తో అదరగొట్టింది .అనుపమ అందాలకు ప్రేక్షకులు ఫిదా అయ్యారు .టిల్లు స్క్వేర్ మూవీ ఏకంగా రూ.125 కోట్ల కలెక్షన్స్ సాధించి సిద్దు సినీ కెరీర్ లోనే బిగ్గెస్ట్ హిట్ గా నిలిచింది. ఇదిలా ఉంటే ఈ రెండు చిత్రాలకు కొనసాగింపుగా త్వరలోనే ‘టిల్లు క్యూబ్‌’ రాబోతున్న విషయం తెలిసిందే.
హీరో సిద్ధు జొన్నలగడ్డ ప్రస్తుతం ఆ సినిమా స్క్రిప్ట్‌ను సిద్ధం చేసే పనిలో బిజీగా ఉన్నారు . తాజా సమాచారం ప్రకారం ఈ సినిమాలో హీరోయిన్ గా పూజాహెగ్డేను ఎంపిక చేసినట్లు సమాచారం. డీజే టిల్లు, టిల్లు స్వేర్‌ చిత్రాల్లో హీరోయిన్ పాత్రకు ఎంత ప్రాధాన్యత ఉందో తెలిసిందే. ఈ నేపథ్యంలో మూడో పార్ట్ లో పూజహెగ్డేను హీరోయిన్ గా తీసుకోబోతున్నారని సమాచారం . అయితే ఈ విషయం గురించి చిత్రబృందమే క్లారిటీ ఇవ్వాలి మరి.
