యంగ్ బ్యూటీ అనుపమ పరమేశ్వరన్ లీడ్ రోల్‌లో నటిస్తున్న తాజా సినిమా ‘పరదా’ ఇప్పటికే షూటింగ్ ముగించుకుని విడుదలకు రెడీ అయ్యింది. ఈ సినిమాను డైరెక్టర్‌ ప్రవీణ్ కండ్రేగుల దర్శకత్వం వహించగా ఫీల్ గుడ్ కాన్సెప్ట్‌తో ఈ మూవీని మేకర్స్ తెరకెక్కించారు. ఇక ఈ సినిమాకు సంబంధించిన పోస్టర్స్, టీజర్ ప్రేక్షకుల్లో మూవీపై మంచి బజ్‌ని క్రియేట్ చేశాయి.
కాగా, ఈ సినిమాను పాన్ ఇండియా స్థాయిలో రిలీజ్ చేస్తున్నట్లు మేకర్స్ ఇప్పటికే వెల్లడించారు. అయితే, ఈ సినిమాను మలయాళంలో స్టార్ హీరో దుల్కర్ సల్మాన్ విడుదల చేస్తున్నట్లు తాజాగా ప్రకటించారు. దుల్కర్ సల్మాన్ తన సొంత బ్యానర్ అయిన వే ఫారర్ ఫిల్మ్స్ పై పరదా చిత్రాన్ని ప్రపంచవ్యాప్తంగా మలయాళ భాషలో విడుదల చేయబోతున్నారు.
దీంతో ఈ సినిమాకు మలయాళంలో కూడా మంచి క్రేజ్ దక్కడం ఖాయమని చిత్ర వర్గాలు అంటున్నాయి.ఇక ఈ సినిమాలో దర్శన రాజేంద్రన్, సంగీత ఇతర ముఖ్య పాత్రల్లో నటిస్తున్నారు.
