జాతీయ నటుడు అల్లు అర్జున్ హీరోగా క్రియేటివ్ డైరెక్టర్ సుకుమార్ డైరెక్షన్‌ లో రాబోతున్న ‘పుష్ప 2 ది రూల్’ కోసం ఫ్యాన్స్ ఎంతో ఆసక్తిగా చూస్తున్నారు. డిసెంబర్ 5న ఈ సినిమా బాక్సాఫీస్‌ను రూల్ చేసేందుకు రెడీ అవుతుంది. ప్రస్తుతం ప్రమోషన్ కార్యక్రమాలను ముమ్మరంగా చేస్తున్నారు మేకర్స్.
ఇందులో భాగంగా నిన్న రాత్రి చెన్నై వేదికగా పుష్ప 2 వైల్డ్ ఫైర్ కార్యక్రమాన్ని నిర్వహించారు. ఈ వేడుకలో అల్లు అర్జున్ మాట్లాడుతూ.. ‘పుష్ప వైల్డ్ ఫైర్ ఎలా ఉంటుందన్నది డిసెంబరు 5నుంచి దేశం మొత్తం చూడబోతుంది. కచ్చితంగా ఇది అందరి మనసుల్ని తాకుతుంది’ అని అన్నారు.
బన్నీ ఇంకా మాట్లాడుతూ.. ‘మైత్రీ మూవీ మేకర్స్ వల్లే ఈ మూవీ కుదిరింది. సుకుమార్ నా జీవితం. తన వల్లే ఈరోజు ఈస్థాయికి వచ్చా. దేవిశ్రీ అందరికీ మ్యూజిక్‌ ఇస్తాడు. నాకు మాత్రం అదనంగా ప్రేమను కూడా ఇస్తాడు. ఈ చిత్రం కోసం నేను.. రష్మిక నాలుగేళ్ల పాటు కలిసిఈ సినిమా కోసం ప్రయాణించాం. నేను తొలిసారి ఓ పాట కోసం కొంచెం ఎక్కువ జాగ్రత్తలు తీసుకున్నాను.
దానికి కారణం శ్రీలీల. ‘కిస్సిక్‌..’ పాటలో తనెలా డ్యాన్స్‌ చేసిందన్నది.. రేపు మీరు పెద్ద తెర మీద చూడాల్సిందే’ అంటూ బన్నీ చెప్పుకొచ్చారు.
