గ్లోబల్ స్టార్ రామ్ చరణ్ కథానాయకుడిగా, కియారా అద్వానీ అలాగే అంజలి హీరోయిన్లుగా మావెరిక్ డైరెక్టర్‌ శంకర్ ఎంతో ప్రతిష్టాత్మకంగా తెరకెక్కించిన మోస్ట్‌ అవైటెడ్ సినిమా “గేమ్ ఛేంజర్”. ఈ సినిమా గురించి అభిమానులు అంతా కూడా ఎంతో ఆసక్తిగా ఎదురు చూస్తున్నారు. మరి ఎన్నో అంచనాలు సెట్ చేసుకున్న ఈ సినిమా టీజర్ పట్ల ఎప్పటి నుంచో మంచి ఆసక్తి అయితే ఉంది.
అయితే దీనిని మేకర్స్ ఈ నవంబర్ 9న విడుదల చేస్తున్నట్టుగా ఇప్పటికే ప్రకటించేశారు. ఇక ఫైనల్ గా వేదిక కూడా ఫిక్స్‌ అయ్యింది. అందులో భాగంగానే ఈ 9న లక్నోలో ఈవెంట్ పెట్టి టీజర్ ని విడుదల చేస్తున్నట్టుగా స్ట్రాంగ్ రూమర్స్ మొదలు కాగా ఫైనల్ గా మేకర్స్ దీనిని అఫీషియల్ గా ప్రకటించారు.
దీంతో ఈ 9న గేమ్ ఛేంజర్ టీజర్ లక్నో నుంచి రానుంది అని చిత్ర బృందం ప్రకటించింది. ఇక ఈ చిత్రానికి థమన్ సంగీతం అందించగా దిల్ రాజు నిర్మాణ బాధ్యతలు చేపట్టారు. అలాగే రానున్న జనవరి 10న సినిమా విడుదల కాబోతుంది.
