యంగ్ హీరో విజయ్ దేవరకొండ ప్రస్తుతం కింగ్‌డమ్ అనే సినిమాలో బిజీగా ఉన్న సంగతి తెలిసిందే. గౌతమ్ తిన్ననూరి దర్శకత్వంలో తెరకెక్కుతున్న ఈ మూవీ ఈ నెల 31న థియేటర్లలోకి రాబోతోంది. ఇప్పటికే రిలీజ్‌కు సంబంధించిన పనులు ఫినిష్ చేసుకుని ప్రమోషన్స్ మొదలెట్టారు. విజయ్ ఇందులో కొత్త గెటప్‌తో కనిపించబోతున్నాడు. ఇది ఆయన ఫ్యాన్స్‌కి మరో స్పెషల్ ట్రీట్‌గా చెప్పొచ్చు.
ఇప్పటికే కింగ్‌డమ్ విడుదలకు సిద్ధంగా ఉండటంతో, విజయ్ తన తదుపరి ప్రాజెక్ట్‌పై ఫోకస్ పెట్టాడు. ఈసారి రాహుల్ సాంకృత్యాయన్ దర్శకత్వంలో ఓ భారీ సినిమాను చేయబోతున్నాడు. ఈ ప్రాజెక్ట్‌కు సంబంధించి తాజాగా ఒక ఆసక్తికర సమాచారం బయటకు వచ్చింది. విజయ్ నటిస్తున్న 14వ చిత్రంగా ఈ సినిమా రాబోతుండగా, జూలై 10న ఉదయం 11:09కి పూజా కార్యక్రమాలు నిర్వహించనున్నట్లు మేకర్స్ అధికారికంగా తెలియజేశారు.
ఈ వేడుకకు ఎవరు ముఖ్య అతిథులుగా హాజరుకాబోతున్నారనే విషయాన్ని మాత్రం యూనిట్ సస్పెన్స్‌గా ఉంచింది. ఈ ప్రాజెక్ట్‌ను మైత్రీ మూవీ మేకర్స్ మరియు టి-సిరీస్ కలిసి నిర్మిస్తున్నాయి. ఈ చిత్రం మన దేశ చరిత్రలో ఓ కీలక సంఘటన ఆధారంగా ఉండనుందని సమాచారం. అందులోని ముఖ్యమైన అంశాలను ప్రస్తుత కాలానికి తగినట్లు తెరపై చూపించేందుకు టీం సన్నాహాలు చేస్తోంది.
విజయ్ కెరీర్‌లో ప్రత్యేకతను చాటేలా ఉండబోతున్న ఈ సినిమా కోసం అభిమానులు కూడా ఎప్పటినుంచో ఎదురు చూస్తున్నారు. ఒకవేళ ఈ కాంబినేషన్ బలంగా వర్కౌట్ అయితే, విజయ్‌కు ఇది మరో మేజర్ మైలురాయిగా నిలవొచ్చని సినీ వర్గాల్లో చర్చ నడుస్తోంది.
