టాలీవుడ్‌లో ఎనర్జిటిక్ హీరోగా పేరుగాంచిన రామ్ పోతినేని నటిస్తున్న కొత్త సినిమా ఆంధ్రా కింగ్ తాలూకా షూటింగ్ వేగంగా పూర్తికావడానికి దగ్గరవుతోంది. ఈ చిత్రానికి పి. మహేష్ బాబు దర్శకత్వం వహిస్తున్నారు. రామ్ ఈ సినిమాలో మరోసారి తన స్టైల్‌తో పాటు కొత్త లుక్‌తో కూడా ఆకట్టుకుంటున్నాడు. ఇప్పటివరకూ వచ్చిన అప్డేట్స్ వల్లే సినిమాపై యువ ప్రేక్షకుల్లో మంచి హైప్ ఏర్పడింది.
ఇప్పుడీ సినిమాకు సంబంధించిన మ్యూజిక్ ప్రమోషన్స్ కూడా స్టార్ట్ చేయబోతున్నారు. ఈ సినిమా నుంచి మొదటి పాట జూలై 18న విడుదల కానుందని మేకర్స్ అధికారికంగా తెలిపారు. ఇది ఒక మెలోడి లవ్ సాంగ్ అని రామ్ చెప్పిన టాక్ వినిపిస్తోంది. పాట విడుదలకు ముందే ఓ ప్రత్యేకమైన అంచనాలు ఏర్పడటం చూస్తే, యూత్‌ను టార్గెట్ చేస్తూ మంచి మ్యూజికల్ ఎక్స్‌పీరియన్స్ ఇవ్వాలని టీమ్ ప్లాన్ చేసినట్టు స్పష్టమవుతోంది.
వివేక్-మర్విన్ మ్యూజిక్ డైరెక్టర్లుగా పని చేస్తున్న ఈ సినిమాకు సంగీతమే ప్రధాన ఆకర్షణగా మారబోతుందని అంచనా. రామ్ సరసన భాగ్యశ్రీ బొర్సే హీరోయిన్‌గా నటిస్తున్న ఈ చిత్రంలో సీనియర్ నటుడు ఉపేంద్ర కూడా ఓ ముఖ్యమైన పాత్రలో కనిపించనున్నాడు.
ఇక ఈ సినిమాను మైత్రీ మూవీ మేకర్స్ వారు భారీ స్థాయిలో నిర్మిస్తున్నారు. గ్రాండ్ ప్రొడక్షన్ విలువలు, యూత్‌ఫుల్ ఎంటర్‌టైన్‌మెంట్ కలగలిపిన ఈ సినిమా, రామ్ ఫ్యాన్స్‌తో పాటు ప్రేక్షకుల్లో అందరిలో ఆసక్తి పెంచుతుంది అనడంలో సందేహమే లేదు.
