పాన్ ఇండియా సినిమాలకి బేస్ వేసిన సినిమా ఏదైనా ఉందంటే, అది “బాహుబలి” అనే చెప్పాలి. ప్రభాస్ హీరోగా ఎస్ ఎస్ రాజమౌళి దర్శకత్వంలో తెరకెక్కిన ఈ భారీ విజువల్ వండర్, ఒక్క తెలుగు ఇండస్ట్రీకి కాదు.. మొత్తం భారతీయ సినీ రంగానికి దిశ మార్చిన చిత్రంగా నిలిచింది. ఎంతగానో ఎదురుచూసేలా చేసింది. ప్రేక్షకుల అంచనాలను బేస్‌గా పెట్టుకొని సినిమాలు తయారవ్వడం కూడా అప్పటి నుంచి మారిపోయింది.
ఇప్పుడు ఈ ఐకానిక్ మూవీ తిరిగి థియేటర్లలోకి రావాలన్న మాట వింటేనే అభిమానుల్లో ఆతురత మొదలవుతోంది. బాహుబలి విడుదలై దాదాపు పదేళ్లు పూర్తవుతున్న తరుణంలో, మళ్ళీ ఈ సినిమాను స్క్రీన్ మీద చూడాలనే ఊహనే అభిమానులకు హైప్ పెంచేస్తోంది. అందుకే నిర్మాత శోభు యార్లగడ్డ ఇటీవల బాహుబలి రీరిలీజ్ ఈ ఏడాది అక్టోబర్‌లో జరుగుతుందని తెలిపిన విషయం ఆసక్తికరంగా మారింది.
ఇక రేపటితో ఈ చిత్రానికి పది ఏళ్ల జయంతి సందర్భంగా రీరిలీజ్ సంబంధించి అధికారిక ప్రకటన వచ్చే అవకాశం ఉంది. ఇప్పటికే చిత్ర బృందం కొన్ని పరోక్ష సంకేతాలు ఇచ్చిందన్న అభిప్రాయాలు వినిపిస్తున్నాయి. ‘బాహుబలి తిరిగి వస్తున్నాడు’ అనేలా మళ్ళీ ప్రచారం మొదలైంది. ఒకవేళ సినిమా మళ్లీ విడుదలైతే, ఇప్పటికీ బాహుబలి క్రేజ్ తగ్గలేదనే దానికే నిదర్శనంగా భారీ కలెక్షన్లు రాబట్టే ఛాన్స్ ఉంది.
ఈ సినిమా ఎంత గొప్పదో మరోసారి థియేటర్‌లో అనుభవించాలనే ప్రేక్షకుల ఆవేశం చూస్తుంటే, బాహుబలి రీరిలీజ్ కూడా ఒక పెద్ద సినిమా ఫెస్టివల్‌లా మారే అవకాశాలు ఉన్నాయి.
