తమిళ స్టార్ హీరో విజయ్ ప్రస్తుతం చేస్తున్న లేటెస్ట్ సినిమా ‘జన నాయగన్’పై భారీగా అంచనాలు నెలకొన్నాయి. ఈ సినిమాకు హెచ్.వినోద్ దర్శకత్వం వహిస్తుండటంతో, ఇందులో ఏమేరా కొత్తదనం చూపిస్తారో అనే ఆసక్తి ప్రేక్షకుల్లో కనిపిస్తోంది. పైగా ఇది విజయ్ కెరీర్‌లో చివరి సినిమా అని ఆయననే అధికారికంగా వెల్లడించడంతో ఈ ప్రాజెక్ట్ మీదే అందరి దృష్టి పడింది.
ఇప్పటికే బజ్‌ను సెట్ చేసుకున్న ఈ సినిమాకు సంబంధించి తాజాగా ఓ క్రేజీ అప్డేట్‌ను మేకర్స్ అనౌన్స్ చేయడానికి సిద్ధమయ్యారు. జూన్ 22వ తేదీ ఉదయం 12 గంటలకు ఈ సినిమా నుంచి ఫస్ట్ రోర్ పేరుతో ఓ ప్రత్యేక గ్లింప్స్‌ను రిలీజ్ చేయబోతున్నారు. ఇలా అర్ధరాత్రి సమయంలో స్టార్ హీరో సినిమా నుంచి అప్డేట్ ఇవ్వడం చాలా అరుదుగా జరుగుతుంది. దీని వల్లే సినిమాపై మేకర్స్‌కు ఉన్న నమ్మకం ఎంతగానో అర్థమవుతోంది.
ఈ సినిమాలో విజయ్ సరసన పూజా హెగ్డే హీరోయిన్‌గా నటిస్తోంది. యాక్షన్, ఎమోషన్, మాస్ ఎలిమెంట్స్ మిక్స్‌తో ఈ సినిమా ఉండబోతుందనే బలమైన సూచనలు ఇప్పటివరకు వచ్చిన లీక్స్, అఫిషియల్ పోస్టర్స్ ద్వారా అర్థమవుతున్నాయి. ఇప్పుడైతే ఫస్ట్ రోర్ రిలీజ్‌పై ఫ్యాన్స్‌లో మంచి ఉత్సాహం నెలకొంది.
