అఘోర ఎంట్రీ సీక్వెన్స్ కు ముహుర్తం కుదిరింది! నందమూరి నటసింహం బాలయ్య – బోయపాటి శ్రీను కాంబోలో రాబోతున్న ‘అఖండ 2 – తాండవం’ పై భారీ అంచనాలు ఏర్పడ్డాయి. ఇప్పటికే ఈ సినిమాకు సంబంధించిన పూజా కార్యక్రమాలు జరిగిన సంగతి తెలిసిందే.
కాగా తాజాగా ఈ సినిమా షూట్ కి రెడీ అవుతుంది మూవీ టీమ్‌. వచ్చే నెల రెండో వారం నుంచి బాలయ్య పై రామోజీ ఫిల్మ్ సిటీలో అఘోర పాత్రకు సంబంధించిన ఎంట్రీ సన్నివేశాలను షూట్ చేయనున్నారంట. అందుకు సంబంధించిన సెట్స్ ను ప్రస్తుతం వేస్తున్నట్లు తెలుస్తోంది. అన్నట్టు ప్రస్తుతం ఈ సినిమాలో నటించే నటీనటుల ఎంపిక పై డైరెక్టర్‌ బోయపాటి దృష్టి పెట్టారు.
ఇప్పటికే పలు కీలక పాత్రల్లో ఇతర భాషల నటులను తీసుకోవాలని చిత్ర బృందం ఫిక్స్‌ అయ్యింది. థమన్ ఈ సినిమాకు సంగీతం అందిస్తున్నారు. బోయపాటి శ్రీను – బాలయ్య కాంబోలో హ్యాట్రిక్ విజయాలు నమోదయ్యాయి. దీంతో ‘అఖండ 2 – తాండవం’ పై రెట్టింపు అంచనాలు పెరిగాయి.
