తెలుగు చిత్ర పరిశ్రమ ప్రెస్టిజియస్‌ సినిమాగా మంచు విష్ణు తీర్చిదిద్దుతున్న మూవీ ‘కన్నప్ప.ఈ సినిమా భారీ అంచనాలతో తెరకెక్కుతోంది. ఈ సినిమాను బాలీవుడ్ దర్శకుడు ముఖేష్ కుమార్ సింగ్ డైరెక్ట్ చేస్తుండగా పూర్తి మైథలాజికల్ చిత్రంగా అత్యంత భారీ బడ్జెట్‌తో ఈ సినిమా రూపుదిద్దుకుంటుంది.
ఇక ఈ సినిమాలో భారీ తారాగణం నటిస్తుండటంతో ఈ మూవీపై అన్ని భాషల్లోని ప్రేక్షకుల్లో భారీ అంచనాలు మొదలయ్యాయి.ఇక ఈ సినిమాలో అందరి చూపులు పాన్ ఇండియా స్టార్ ప్రభాస్ కేమియో పైనే ఉన్నాయి. ఈ సినిమాలో ప్రభాస్ ఎలాంటి పాత్రలో నటిస్తాడా అనేది ఇప్పుడు అందరిలో మొదలైన ప్రశ్న.
ఇక ఈ సినిమాలో ఆయన లుక్ ఎలా ఉంటుందా అనేది కూడా ప్రెసెంట్‌ హట్ టాపిక్ అవుతోంది. అయితే, ఈ సినిమా నుంచి ప్రభాస్ ఫస్ట్ లుక్‌ను విడుదల చేసేందుకు ‘కన్నప్ప’ మేకర్స్ సిద్దం అయ్యారు. ఈ మూవీలోని ప్రభాస్ ఫస్ట్ లుక్‌ను ఫిబ్రవరి 3న ప్రేక్షకుల ముందుకు తీసుకురాబోతున్నట్లు చిత్ర యూనిట్ పేర్కొంది.ఈ మేరకు ఓ సాలిడ్ పోస్టర్‌తో ఈ అనౌన్స్‌మెంట్‌ను చేశారు. ఇక దీంతో ఈ సినిమాపై ప్రభాస్ అభిమానులతో పాటు కామన్ ఆడియెన్స్‌లో కూడా ఆసక్తి పెరిగింది.
