అక్కినేని నాగచైతన్య నటిస్తున్న తాజా సినిమా ‘తండేల్’పై ప్రేక్షకుల్లో సాలిడ్ అంచనాలు నెలకొన్నాయి. ఈ సినిమాను దర్శకుడు చందూ మొండేటి తెరకెక్కించగా పూర్తి లవ్ స్టోరీగా ఈ చిత్రాన్ని రూపొందించారు. ఈ సినిమా పోస్టర్స్, టీజర్, ట్రైలర్స్ ప్రేక్షకుల్లో అంచనాలను మరింత పెంచాయి.
ఇక ఈ సినిమాను ప్రమోట్ చేసేందుకు ఐకాన్ స్టార్‌ అల్లు అర్జున్ కూడా రాబోతున్నట్లు చిత్ర యూనిట్ ఇప్పటికే ప్రకటించింది. ఈ క్రమంలోనే నేడు జరగాల్సిన ‘తండేల్ జాతర’ ఈవెంట్ కొన్ని కారణాలతో వాయిదా పడిన సంగతి తెలిసిందే. అయితే, ఇప్పుడు ఈ తండేల్ జాతరకు ముహుర్తాన్ని కూడా ఫిక్స్ చేశారు మేకర్స్. ఈ ‘తండేల్ జాతర’ ఈవెంట్‌ను ఫిబ్రవరి 2న సాయంత్రం 5 గంటలకు నిర్వహించబోతున్నట్లు చిత్ర యూనిట్ ప్రకటించింది. దీంతో అభిమానులు ఈ ఈవెంట్ కోసం ఎంతో ఆసక్తిగా చూస్తున్నారు.
