గ్లోబల్ స్టార్ రామ్ చరణ్, స్టార్ డైరెక్టర్ శంకర్ కాంబోలో తెరకెక్కిన ‘గేమ్ ఛేంజర్’ మూవీ గురించి ప్రేక్షకులు ఎంతో ఆసక్తిగా ఎదురుచూస్తున్నారు. ఈ సినిమాను సంక్రాంతి కానుకగా విడుదల చేయనున్నట్లు చిత్ర యూనిట్ ఇప్పటికే వెల్లడించడంతో ఈ సినిమాను ఎప్పుడెప్పుడు చూద్దామా అని అభిమానులతో పాటు సినీ అభిమానులు కూడా ఎంతో ఆతృతగా ఎదురు చూస్తున్నారు.
ఇక ఈ సినిమా నుండి తాజాగా మూడో సింగిల్ సాంగ్ విడుదలకు మేకర్స్‌ ముహుర్తం ఫిక్స్‌ చేశారు.గురువారంఈ సినిమాలోని మూడో సింగిల్ సాంగ్‌గా నానా హైరానా అనే పాటను రిలీజ్ చేస్తున్నట్లు మేకర్స్‌ ప్రకటించిన సంగతి తెలిసిందే. ఇప్పుడు ఈ సాంగ్‌ని సాయంత్రం 6.03 గంటలకు రిలీజ్ చేస్తున్నట్లు వారు అనౌన్స్ చేశారు.
ఇక దీనికి సంబంధించి ఓ కలర్‌ఫుల్ పోస్టర్‌ను కూడా వారు అభిమానుల ముందుకు తీసుకుని వచ్చారు. ఈ పోస్టర్‌లో రామ్ చరణ్ సరికొత్త లుక్‌తో కనిపిస్తుండటంతో ప్రేక్షకుల్లో ఈ సినిమాపై మరింత హైప్ క్రియేట్ అవుతుంది.
మొత్తానికి డైరెక్టర్ శంకర్ ఈసారి గట్టిగానే ప్లాన్ చేస్తున్నాడని అభిమానులు చాలా ధీమా వ్యక్తం చేస్తున్నారు.
