యంగ్ హీరో సందీప్ కిషన్ నటిస్తున్న తాజా సినిమా ‘మజాకా’. ఈ మూవీ ఇప్పటికే ప్రేక్షకుల్లో మంచి ఆసక్తిని క్రియేట్ చేసింది. ఈ సినిమాను డైరెక్టర్‌ నక్కిన త్రినాథరావు దర్శకత్వం వహిస్తుండగా.. పూర్తి కామెడీ ఎంటర్‌టైనర్‌గా ఈ మూవీ ప్రేక్షకులను ఆకట్టుకునేందుకు రెడీ అవుతుంది. ఈ సినిమా సందీప్ కిషన్ కెరీర్‌లో 30వ సినిమాగా రూపుదిద్దుకుంటుంది.
అయితే, ఈ సినిమా నుంచి సంక్రాంతి కానుకగా ఓ సాలిడ్ ట్రీట్ ప్రేక్షకుల ముందుకు రాబోతుంది. ఈ మూవీ టీజర్‌ను జనవరి 12న సాయంత్రం 6.03 గంటలకు విడుదల చేయబోతున్నట్లు మేకర్స్ ప్రకటించారు. పక్కా మాస్ ఎంటర్‌టైనర్‌గా ఈ మూవీని చిత్ర యూనిట్ రూపొందిస్తోంది. దీంతో ఈ మూవీ ఎలాంటి కథతో తెరకెక్కుతుందా అనే ఆసక్తి ప్రేక్షకుల్లో ఏర్పడింది.
ఈ సినిమాలో అందాల భామ రీతూ వర్మ హీరోయిన్‌గా చేస్తోంది. ఈ చిత్రానికి ప్రసన్న కుమార్ కథను ఇస్తుండగా లియోన్ జేమ్స్ సంగీతం అందిస్తున్నాడు.
