ప్రేక్షకులను ఆద్యంతం కడుపుబ్బ నవ్వించడానికి టీచర్‌ అనే సినిమా తెరెక్కుతోంది. తెలంగాణలోని అంకాపూర్‌ అనే గ్రామానికి చెందిన ముగ్గురు డల్‌ స్టూడెంట్స్ కి సంబంధించిన కథతో ఈ సినిమా రూపుదిద్దుకుంటోంది. ఈ సినిమాలో టీచర్‌గా కలర్స్ స్వాతి నటిస్తున్నారు. ఎలాంటి అదుపు ఆజ్ఙలు లేకుండా అల్లరి చేసే ముగ్గురు విద్యార్థులు టీచర్‌ని కలిసిన తర్వాత ఏం జరిగింది? వాళ్ల జీవితాలు ఎలా మారాయి? అనేది ఆకట్టుకునే విధంగా ఉంటుందని మేకర్స్ చెబుతున్నారు.
ఇటీవల 90స్‌- ఎ మిడిల్‌ క్లాస్‌ బయోపిక్‌ తో బ్లాక్‌ బస్టర్‌ అందుకున్న టీమ్‌ నుంచి ఈ సినిమా వస్తుండడంతో సరదా సన్నివేశాలు, సంభాషణలు, అందమైన, అమాయకమైన ప్రేమ, భావోద్వేగాలతో కూడిన ప్రయాణం… ప్రేక్షకుల మనసులను టచ్‌ చేస్తుందనడంలో సందేహం లేదని చెప్పుకొవచ్చు. 90స్‌- ఎ మిడిల్‌ క్లాస్‌ బయోపిక్‌ దర్శకుడు ఆదిత్య హసన్‌ ఈ సినిమాను డైరక్ట్ చేశారు.
నవీన్‌ మేడారం ఈ సినిమాను నిర్మిస్తున్నారు. ఎంఎన్‌ఓపీ సంస్థ నిర్మిస్తోన్న రెండో ప్రాజెక్ట్ కాగా మొదటి సినిమా ఇది. స్వాతి రెడ్డి , నిఖిల్‌ దేవాదుల , నిత్యశ్రీ , రాజేంద్ర గౌడ్‌, సిద్ధార్థ్‌ , హర్ష, పవన్‌ రమేష్‌, నరేందర్‌ నాగులూరి, సురేష్‌ తదితరులు ఈసినిమాలో కీలక పాత్రల్లో నటిస్తున్నారు.
