కూలీలో పొడుగు కాళ్ల సుందరి స్టెప్పులు! తమిళ సూపర్ స్టార్ రజినీకాంత్ నటిస్తున్న లేటెస్ట్ మూవీ ‘కూలీ’ ఇప్పటికే ప్రేక్షకుల్లో సాలిడ్ అంచనాలు క్రియేట్ చేసింది. ఈ సినిమాను దర్శకుడు లోకేశ్ కనగరాజ్ తెరకెక్కిస్తుండటంతో ఈ మూవీపై అంచనాలు రెట్టింపు అయ్యాయి. ఇక ఈ సినిమాకు సంబంధించి ఎప్పుడు ఎలాంటి వార్త వచ్చినా అభిమానులు ఎంతో ఆసక్తిగా ఫాలో అవుతున్నారు. తాజాగా ఈ సినిమాలో ఓ స్పెషల్ సాంగ్ కోసం స్టార్ బ్యూటీని తీసుకోబోతున్నారనే టాక్ కోలీవుడ్ వర్గాల్లో జోరుగా వినిపిస్తోంది. కూలీ చిత్రంలో ఓ స్పెషల్ సాంగ్‌ను లోకేశ్ కనగరాజ్ పెట్టబోతున్నాడని.. ఈ సాంగ్‌లో అందాల బుట్టబొమ్మ పూజా హెగ్డే తనదైన డ్యాన్స్ స్టెప్పులతో అదరగొట్టనుందనే టాక్ తమిళ మీడియా వర్గాల్లో జోరుగా చక్కర్లు కొడుతోంది. ఈ వార్తతో ప్రేక్షకుల్లో ఈ మూవీపై మరోసారి ఆసక్తి క్రియేట్ అయ్యింది. ఇప్పటికే ఈ సినిమాలో నాగార్జున, ఉపేంద్ర, సత్యరాజ్, చౌబిన్ సాహీర్, శృతి హాసన్ వంటి స్టార్స్ నటిస్తున్నారు. ఇక ఇప్పుడు పూజా హెగ్డే స్పెషల్ సాంగ్ కూడా ఉండనుండటంతో ఈ మూవీపై అంచనాలు తారాస్థాయికి చేరడం ఖాయమని చిత్ర వర్గాలు అంటున్నాయి.
