నటుడు సుహాస్ గురించి ప్రత్యేకంగా చెప్పాల్సిన పని లేదు. సహా నటుడిగా నటిస్తూనే హీరోగా ఎదిగాడు. ఒక్క సినిమాతోనే స్టార్ ఇమేజ్‌ అందుకున్నాడు. ఇప్పుడు బ్యాక్ టు బ్యాక్ హిట్‌ సినిమాలను తన ఖాతాలో వేసుకుంటూ వరుస సినిమాలతో ఫుల్‌ బిజీగా ఉన్నాడు. ఈ క్రమంలోనే తాజాగా సుహాస్ నటిస్తున్న ‘ప్రసన్న వదనం ‘ సినిమా నుంచి ట్రైలర్ ను రిలీజ్ చేశారు.
ఆ ట్రైలర్ ను డైరెక్టర్ సుకుమార్ చేతుల మీదుగా విడుదల చేశారు. ఈ కార్యక్రమంలో సుకుమార్ మాట్లాడుతూ.. సుహాస్ సినిమాల పై ప్రశంసలు కురిపించారు. సుహాస్ లాంటి నటుడు ఇండస్ట్రీకి అవసరం అని పేర్కొన్నారు. అలాగే నేచురల్ స్టార్ నాని లాగా సుహాస్ పైకొచ్చాడంటూ ఆకాశానికి ఎత్తేశారు. ఆయనను నేచురల్ స్టార్ అంటే సుహాస్ మట్టి స్టార్ అంటూ ఆకాశానికి ఎత్తేశారు
సుహాస్ నువ్వంటే నాకు, అల్లు అర్జున్ కి చాలా ఇష్టం. అల్లు అర్జున్ నీ గురించి చాలా సార్లు మాట్లాడాడు. ఫస్ట్ పుష్పలో జగదీశ్ చేసిన కేశవ క్యారెక్టర్ కి నేను, బన్నీ నిన్నే తీసుకుందాం అనుకున్నాను. కానీ నువ్వు అప్పటికే హీరోగా చేస్తుండటంతో నిన్ను క్యారెక్టర్ ఆర్టిస్ట్ గా అడగడం ఏం బాగుంటుందని ఆగాము అని సుక్కు అన్నాడు..
ఇలాగే కొత్త కొత్త కథలతో సినిమాలు తీస్తు మంచి స్థానంలో ఉండాలని కోరుకున్నాడు.. ఈ సినిమా మంచి సక్సెస్ ను అందుకుంటుందని అన్నారు.
