విజయ్‌ దేవరకొండ హీరోగా , మృణాల్‌ ఠాకూర్ కథానాయికగా తెరకెక్కిన చిత్రం ఫ్యామిలీ స్టార్. విజయ్‌ దేవరకొండకి గీతాగోవిందం ద్వారా భారీ హిట్‌ ని ఇచ్చిన పరుశురాం ఈ సినిమాకి కూడా దర్శకత్వం వహిస్తున్నారు. ఈ చిత్రం ఏప్రిల్ 5న ప్రేక్షకుల ముందుకు రాబోతుంది. ఇప్పటికే సినిమా యూనిట్‌ చిత్ర ప్రమోషన్స్‌ ని మొదలు పెట్టేసింది.
చిత్రం విడుదల సమయం కూడా దగ్గర పడుతుండడంతో చిత్ర యూనిట్‌ ప్రమోషన్స్‌ పై శ్రద్ద పెట్టింది. ఇప్పటికే ఈ సినిమా నుంచి గ్లింప్స్‌ తో పాటు టీజర్‌ ను కూడా విడుదల చేయడంతో దానిని చూసినవారు సూపర్‌ ఉంది అంటూ కితాబు ఇచ్చారు. ఈ క్రమంలోనే చిత్ర యూనిట్‌ ఓ అదిరిపోయే అప్డేట్ ఇచ్చింది.
చిత్రం షూటింగ్‌ మొత్తం పూర్తి అయిపోయినట్లు విజయ్‌ దేవర్‌ కొండ సోషల్‌ మీడియా వేదికగా అభిమానులతో పంచుకున్నాడు. అంతేకాకుండా దానికి సంబంధించిన ఓ షార్ట్‌ వీడియోను పంచుకున్నాడు. ఈ సినిమాలో విజయ్‌ ఓ కంప్లీట్‌ ఫ్యామిలీ మ్యాన్‌ తో పాటు, రౌడీల తాట తీసే వ్యక్తిలాగాను కనిపించనున్నట్లు సమాచారం. దిల్‌ రాజు, శిరీష్‌ శ్రీవెంకటేశ్వర క్రియేషన్స్‌ పతాకంపై ఈ చిత్రాన్ని నిర్మిస్తున్నారు..
