మన ఇండియన్ సినిమా దగ్గర హారర్ జోనర్ లో వచ్చిన కొన్ని సినిమాలకి సెపరేట్ క్రేజ్ ఉంటుంది అని చెప్పాలి. మరి వీటిలో మూవీ లవర్స్ “చంద్రముఖి” అనే సినిమా అంటే ఇప్పటికి క్రేజే. సూపర్ స్టార్ రజినీకాంత్ , జ్యోతికల కాంబో లో వచ్చిన ఈ సినిమా తమిళ్ సహా తెలుగులో కూడా భారీ హిట్ అయ్యింది. కానీ ఈ చిత్రం అసలిది కాదు దీన్ని కన్నడ చిత్రం “ఆప్తమిత్ర” కి రీమేక్ గా తెరకెక్కించారనే విషయం తెలిసిందే.
కానీ… ఈ సినిమా కూడా మరో సినిమాకి రీమేక్ అని చాలా తక్కువ మందికి తెలిసి ఉంటుంది. మరి అసలు ఆ ఒరిజినల్ చంద్రముఖి ఎవరు? ఎక్కడ నుంచి పుట్టింది అంటే ఇది మొట్ట మొదటిగా మళయాళ మూవీగా పుట్టింది. స్టార్ హీరో మోహన్ లాల్ అలాగే నటి శోభన కాంబో లో వచ్చిన చిత్రమే “మణిచిత్రతాజు”. ఎప్పుడో 1993 లో దర్శకుడు ఫాజిల్ తెరకెక్కించిన ఈ సినిమా నుంచే చంద్రముఖి, ఆప్తమిత్ర ఇలా ఎన్ని భాషల్లో అయితే అన్ని భాషల్లో కొత్త సినిమాలుగా రీమేక్ అయ్యాయి.
మరి ఇప్పుడు ఫైనల్ గా అసలు సిసలైన చంద్రముఖి రీ రిలీజ్ కి రావడానికి రెడీ అయ్యింది. 4కే లో అప్డేట్ చేసి డాల్బీ అట్మాస్ మిక్స్ తో 31 ఏళ్ల తర్వాత ఈ సినిమా రీ రిలీజ్ కి మేకర్స్ తీసుకొస్తున్నారట. అయితే ఇంకా డేట్ ఎప్పుడు అనేది ప్రకటించలేదు. కానీ ఒరిజినల్ సినిమాని చూడాలి అనుకునేవారు మాత్రం ఈ డేట్ కోసం వేచి చూడాల్సిందే.
